சென்னையின் புறநகர் பகுதியில் உள்ள ஒரு முதியவரை வலுக்கட்டாயமாக அழைத்துச் சென்று, அவரை நிர்வாணமாக்கி ஆபாச வீடியோ எடுத்து பணம் கேட்டு மிரட்டிய மூவர்களை காவல்துறையினர் கைது செய்துள்ளனர்.
நடந்தது என்ன?
சென்னை கொடுங்கையூர் எருக்கஞ்சேரி பகுதியில் மரக்கடை நடத்தி வருபவர் கோவிந்தசாமி (63). இவரை அதே பகுதியைச் சேர்ந்த பத்மா (47), எஸ்தர் நான்சி (30) மற்றும் அவரது கணவர் முன்னா கருப்புசாமி (33) ஆகிய மூவரும் திட்டமிட்டு புழல் பகுதிக்கு அழைத்துச் சென்றனர்.
அங்குள்ள ஒரு வீட்டில் அவரை வலுக்கட்டாயமாக அடைத்து வைத்த அந்த மூவர், அவரை நிர்வாணமாக்கிய நிலையில் ஆபாச வீடியோக்களை எடுத்துள்ளனர். இதனைத் தொடர்ந்து, அந்த வீடியோக்களை சமூக வலைதளங்களில் வெளியிடுவதாகக் கூறி, அவரிடமிருந்து 5 லட்சம் ரூபாயை மிரட்டிப் பெற முயன்றனர்.
மீண்டு வந்து புகார்
மிரட்டலுக்கு பயந்த கோவிந்தசாமி, பணத்தை எடுத்து வருவதாகக் கூறி அங்கிருந்து தப்பித்து வந்ததையடுத்து, கொடுங்கையூர் காவல் நிலையத்தில் புகார் அளித்தார். புகாரின் அடிப்படையில் காவல்துறையினர் வழக்குப் பதிவு செய்து தீவிர விசாரணை மேற்கொண்டனர்.
விசாரணையில் குற்றம் சாட்டப்பட்ட பத்மா, எஸ்தர் நான்சி மற்றும் முன்னா கருப்புசாமி ஆகிய மூவரின் மீதும் ஆதாரங்கள் கிடைத்ததையடுத்து, காவல்துறையினர் அவர்களைக் கைது செய்தனர். இந்த சம்பவம் அப்பகுதி மக்களிடையே பெரும் அதிர்ச்சியை ஏற்படுத்தியுள்ளது.
Leave a Reply