ஈரான் உச்ச தலைவர் அயதுல்லா கமேனியின் இறுதிச் சடங்கு: தெஹ்ரானில் லட்சக்கணக்கான மக்கள் அஞ்சலி

ஈரானின் உச்சத் தலைவரான அயதுல்லா அலி கமேனியின் இறுதிச் சடங்கு நிகழ்வுகள் தலைநகர் தெஹ்ரானில் நேற்று தொடங்கின. இந்த நிகழ்வில் லட்சக்கணக்கான பொதுமக்கள் கலந்துகொண்டு தங்கள் அஞ்சலியைச் செலுத்தி வருகின்றனர்.

கடந்த பிப்ரவரி 28 அன்று தெஹ்ரானில் அமெரிக்கா மற்றும் இஸ்ரேல் கூட்டுப் படைகள் நடத்திய தாக்குதலில் அயதுல்லா அலி கமேனி கொல்லப்பட்டார். இந்தத் தாக்குதலில் அவருடன் அவரது மூத்த மகள், மருமகன், மருமகள் மற்றும் 14 மாதக் குழந்தை ஜஹ்ரா ஆகியோரும் உயிரிழந்தனர்.

தாமதமாகும் இறுதிச் சடங்குகள்

தாக்குதலுக்குப் பிறகு ஏற்பட்ட போர் சூழலும், பாதுகாப்பு அச்சுறுத்தல்களும் காரணமாக கடந்த நான்கு மாதங்களாக இறுதிச் சடங்குகளை நடத்த இயலவில்லை. இக்காலக்கட்டத்தில் உடல்கள் குளிரூட்டப்பட்ட ரகசிய அறைகளில் பாதுகாக்கப்பட்டதாகத் தகவல்கள் தெரிவிக்கின்றன. தற்போது போர்ப் பதற்றங்கள் குறைந்து, அமைதிப் பேச்சுவார்த்தைகள் தொடங்கியதைத் தொடர்ந்து இறுதிச் சடங்குகளுக்கான ஏற்பாடுகள் செய்யப்பட்டுள்ளன.

தெஹ்ரானில் தொடங்கிய இந்த நிகழ்வுகள், வரும் நாட்களில் பல்வேறு நகரங்களுக்கு ஊர்வலமாக எடுத்துச் செல்லப்பட்டு, ஜூலை 9ஆம் தேதி மஷ்ஹாரில் உள்ள இமாம் ரெசா நினைவிடத்தில் முறைப்படி நல்லடக்கம் செய்யப்படும் என்று அறிவிக்கப்பட்டுள்ளது.

தலைவர்களின் உணர்ச்சிப்பூர்வமான அஞ்சலி

தெஹ்ரான் இமாம் கமேனி கிராண்ட் மொசல்லா வளாகத்தில் பொதுமக்களின் அஞ்சலிக்காக வைக்கப்பட்டுள்ள சவப்பெட்டிகளின் முன் நீண்ட வரிசைகள் காணப்பட்டன. இதில் ஈரான் நாடாளுமன்ற சபாநாயகர் முகமது பாகர் மற்றும் வெளியுறவுத்துறை அமைச்சர் அப்பாஸ் அராக்சி உள்ளிட்ட முக்கியத் தலைவர்கள் கலந்துகொண்டனர்.

அஞ்சலி செலுத்தும் போது சபாநாயகர் முகமது பாகர் மற்றும் அமைச்சர் அப்பாஸ் அராக்சி ஆகியோர் மிகுந்த மனவேதனையுடன் விம்மிக் அழுதனர். இந்த உணர்ச்சிகரமான சூழலால் அந்த வளாகமே சோகத்தில் ஆழ்ந்திருந்தது.

சர்வதேச பிரதிநிதிகளின் வருகை

லட்சக்கணக்கான மக்கள் வரக்கூடும் என்பதால், தெஹ்ரான் கவர்னர் தலைமையில் மிகக் கடுமையான பாதுகாப்பு ஏற்பாடுகள் செய்யப்பட்டுள்ளன. மக்கள் திட்டமிட்டபடி orderly-ஆக வர வேண்டும் என்றும் அறிவுறுத்தப்பட்டுள்ளது.

இந்த நிகழ்வில் கலந்துகொள்ள இந்தியத் தூதரகத்தின் சார்பில் இந்தியத் தலைவர்கள் வருவதாகத் தெரிவிக்கப்பட்டுள்ளது. ஜம்மு-காஷ்மீர் முன்னாள் முதல்வர் மெக்பூபா முஃப்தி, காங்கிரஸ் தலைவர் சல்மான குர்ஷித் உள்ளிட்டோர் அஞ்சலி செலுத்த உள்ளனர். மேலும், ரஷியாவின் வெளியுறவுத்துறை அமைச்சரும் இந்த இறுதிச் சடங்கில் கலந்துகொள்கிறார்.

#iran #aliKhamenei #tehran #internationalNews #funeral #ayatollahAliKhamenei #abbasAraghchi #mohammadBagher #அயதுல்லா அலி கமேனி #அப்பாஸ் அராக்சி