திராவிட முன்னேற்றக் கழகத்தின் அடுத்தகட்ட செயல்பாடுகள் மற்றும் கட்சியின் எதிர்காலத் திட்டங்கள் குறித்துத் தலைமை செயலர் மு.க.ஸ்டாலின் தனது சமூக வலைதளப் பக்கத்தில் விரிவான தகவல்களைப் பகிர்ந்துள்ளார்.
கழக மறுசீரமைப்பிற்கான புதிய குழு
கட்சியின் கட்டமைப்பை மேலும் வலுப்படுத்தவும், நிர்வாக ரீதியிலான மாற்றங்களைக் கொண்டு வரவும் “மறுசீரமைப்பு ஆலோசனைக் குழு” ஒன்றை தற்போது அமைத்துள்ளதாக அவர் குறிப்பிட்டுள்ளார். இந்தக்குழுவில் அனுபவம் வாய்ந்த தலைவர்கள் மற்றும் இளைய தலைமுறையினருக்கான வாய்ப்புகள் சமமாக இருக்கும் வகையில் உறுப்பினர்கள் தேர்வு செய்யப்பட்டுள்ளதாகத் தெரிவிக்கப்பட்டுள்ளது.
கிளைக் குழு முதல் தலைமை வரை கட்சியின் செயல்பாடுகளை மறுசீரமைப்பது குறித்த ஆலோசனைகளையும், பரிந்துரைகளையும் நேரடியாகத் தன்னிடம் சமர்ப்பிக்குமாறு இந்தக் குழுவிடம் அறிவுறுத்தியுள்ளார்.
அறிவாலயத்தில் உடன்பிறப்புகளின் ஆதரவு
அறிவாலயத்திற்கு நாள்தோறும் வருகை தரும் கட்சித் தொண்டர்களின் ஆதரவு குறித்து அவர் தனது பதிவில் நெகிழ்ச்சியுடன் குறிப்பிட்டுள்ளார். “நாங்க இருக்கோம்; மீண்டும் வருவோம்” என்று தொண்டர்கள் வெளிப்படுத்தும் நம்பிக்கையான வார்த்தைகளே எதிரிகளை வீழ்த்தும் வலிமையைத் தருவதாகக் கூறியுள்ளார். காலை நேரங்களில் தொண்டர்களைச் சந்திப்பதும், இரவு நேரங்களில் அவர்கள் பதிவு செய்யும் கருத்துகளைக் கவனிப்பதும் தனது அன்றாட வழக்கமாக இருப்பதாகவும் அவர் பகிர்ந்துள்ளார்.
அயலகப் பயணமும் எதிர்காலத் திட்டங்களும்
திமுக கட்சியின் அடுத்த நூறாண்டுகளுக்கான பயணத்தைத் திட்டமிடும் பணிகளில் தற்போது தீவிரம் காட்டியுள்ள நிலையில், இரு வார கால அயலகப் பயணமாக இன்று புறப்பட்டுள்ளதாக மு.க.ஸ்டாலின் தெரிவித்துள்ளார். வெளிநாட்டில் இருந்தாலும் தனது சிந்தனை மற்றும் கவனம் அறிவாலயத்தின் செயல்பாடுகளிலேயே இருக்கும் என்று அவர் குறிப்பிட்டுள்ளார்.
Leave a Reply