இயக்குநர் அறிமுகமான ‘ஜேன் இ.மேன்’ திரைப்படத்திற்கு பிறகு, ‘மஞ்சுமெல் பாய்ஸ்’ திரைப்படம் மூலம் மிகப்பெரிய வெற்றியைப் பெற்றார் இயக்குநர் சிதம்பரம். மலையாள மொழியில் எடுக்கப்பட்ட அந்தத் திரைப்படம், மொழி எல்லைகளைக் கடந்து அனைத்து மொழியினராலும் பெரிதும் கொண்டாடப்பட்டது. குறிப்பாக, மணிரத்னம் இயக்கத்தில் வெளியான ‘குணா’ திரைப்படத்தின் தாக்கமும், ‘கண்மணி அன்போடு’ பாடலின் பயன்பாடும் ரசிகர்களிடையே மிகுந்த வரவேற்பைப் பெற்றிருந்தன. படத்தின் வெற்றியைத் தொடர்ந்து, கமல்ஹாசனின் திரைப்படக் குழுவினரை அழைத்து பாராட்டிய நிகழ்வு கவனிக்கத்தக்கது.
ஜித்து மாதவனின் திரைக்கதை
தொடர்ந்து சிதம்பரம் எழுதி இயக்கியுள்ள புதிய திரைப்படம் ‘பாலன்’. இந்தத் திரைப்படத்திற்கு ‘ஆவேஷம்’ திரைப்படத்தின் இயக்குநர் ஜித்து மாதவன் திரைக்கதை எழுதியுள்ளார். சர்வதேச அளவில் புகழ்பெற்ற கேன்ஸ் திரைப்பட விழாவின் ஒரு பகுதியான ‘மார்ச் டு ஃபிலிம்’ நிகழ்வில், கடந்த மே 14ஆம் தேதி இப்படம் திரையிடப்பட்டது. தற்போது இப்படத்தின் முன்னோட்டக் காட்சியைப் படக்குழு வெளியிட்டுள்ளது.
திரையுலக பிரபலங்களின் வாழ்த்துகள்
இந்த முன்னோட்டக் காட்சியை வெளியிட்டதையடுத்து, இந்தியத் திரையுலகின் முன்னணி நட்சத்திரங்கள் தங்கள் வாழ்த்துகளைத் தெரிவித்துள்ளனர். இந்தி நடிகர் அஜய் தேவ்கன், தமிழ் நடிகர் சூர்யா, தெலுங்கு நடிகர் நாக சைதன்யா மற்றும் கன்னட நடிகர் ராஜ் பி.ஷெட்டி ஆகியோர் தங்கள் சமூக வலைதளப் பக்கங்களில் இந்த முன்னோட்டத்தைப் பகிர்ந்து பாராட்டுகளைக் குவித்துள்ளனர்.
வெளியீட்டுத் தேதி மற்றும் தயாரிப்பு
விஜய் நடித்துள்ள ‘ஜனநாயகன்’ திரைப்படத்தைத் தயாரித்த கே.வி.என் புரொடக்ஷன்ஸ் மற்றும் தெஸ்பியன் ஃபிலிம்ஸ் ஆகிய நிறுவனங்கள் இணைந்து இத்திரைப்படத்தைத் தயாரித்துள்ளன. ‘பாலன்’ திரைப்படம் வரும் ஜூன் 19, 2026 அன்று தமிழ், மலையாளம், இந்தி, தெலுங்கு மற்றும் கன்னடம் ஆகிய ஐந்து மொழிகளில் உலகம் முழுவதும் திரையரங்குகளில் வெளியாகிறது.
Leave a Reply