தமிழ்நாடு பாஜக முன்னாள் தலைவர் அண்ணாமலை, புதிய அரசியல் கட்சியைத் தொடங்குவது குறித்த ஊடகங்களின் கேள்விகளுக்குப் பதிலளித்துள்ளார். சென்னை விமான நிலையத்தில் டெல்லி புறப்பட்ட போது செய்தியாளர்கள் அவரிடம் இந்த விவகாரம் குறித்துக் கேட்டனர்.
கடந்த சில நாட்களாக சமூக வலைதளங்களிலும் அரசியல் வட்டாரங்களிலும் அண்ணாமலை தனி கட்சி தொடங்குவது பற்றிய செய்திகள் பரவி வந்தன. இந்நிலையில், விமான நிலையத்தில் அவரை வழிமறித்து செய்தியாளர்கள் கேட்ட கேள்விகளுக்கு, “அனைத்து கேள்விகளுக்கும் இன்னும் இரண்டு நாட்களில் பதில் அளிக்கிறேன்” என்று அவர் சுருக்கமாகக் குறிப்பிட்டுள்ளார்.
அண்ணாமலை டெல்லி செல்வதன் நோக்கம், பாஜக தேசியத் தலைவர் நிதின் நபினைச் சந்திப்பதே என்று அரசியல் வட்டாரங்கள் தெரிவிக்கின்றன. இந்தச் சந்திப்பிற்குப் பிறகு அவரது அடுத்தகட்ட அரசியல் நகர்வுகள் குறித்த தெளிவான விளக்கம் கிடைக்கும் என எதிர்பார்க்கப்படுகிறது.
தமிழக அரசியலில் அண்ணாமலையின் செல்வாக்கு அதிகரித்து வரும் சூழலில், அவர் பாஜகவிலேயே நீடிப்பாரா அல்லது புதிய பாதையைத் தேர்ந்தெடுப்பாரா என்ற எதிர்பார்ப்பு அரசியல் கட்சிகளிடையே நிலவி வருகிறது. குறிப்பாக, கடந்த சில வாரங்களாக அவர் எடுத்து வரும் சில முடிவுகள் தனித்துவமான அரசியல் நகர்வாகப் பார்க்கப்பட்டது, தற்போது இந்த விவாதங்களுக்கு வலு சேர்த்துள்ளது.
Leave a Reply