இந்தியாவில் இஸ்ரேலுக்கு வலுவான ஆதரவு உள்ளது: பிரதமர் பெஞ்சமின் நெதன்யாகு

உலக நாடுகளை விட இந்தியாவில் அதிக ஆதரவு

உலக அளவில் பல்வேறு நாடுகள் இஸ்ரேலுக்கான அங்கீகாரத்தில் பல்வேறு சிக்கல்களைக் கொண்டிருந்தாலும், இந்தியாவில் அந்த நிலை இல்லை என்று இஸ்ரேல் பிரதமர் பெஞ்சமின் நெதன்யாகு தெரிவித்துள்ளார். மேற்கு கரை பகுதியில் நடைபெற்ற ஒரு நிகழ்வில் உரையாற்றிய அவர், இந்திய மக்கள் மற்றும் அரசு இஸ்ரேலுக்கு அளித்துள்ள ஆதரவை உயர்வாகக் குறிப்பிட்டுப் பேசினார்.

அப்போது பேசிய அவர், “உலகின் பல நாடுகளில் இஸ்ரேலுக்கான அங்கீகாரத்தைப் பொறுத்தவரை பலவிதமான போராட்டங்கள் மற்றும் பிரச்சினைகள் நிலவுகின்றன. ஆனால், இந்தியாவைப் பொறுத்தவரை அத்தகைய சிக்கல்கள் எதுவும் இல்லை. மற்ற நாடுகளை ஒப்பிடுகையில், இந்தியாவில் தான் எங்கள் நாட்டிற்கு மிகப்பெரிய ஆதரவு இருப்பதாக நான் கருதுகிறேன். இந்திய மண்ணில் எங்களுக்கு உண்மையான மற்றும் தீவிரமான ஆதரவு கிடைக்கிறது” என்று விளக்கினார்.

மோடி உடனான நட்புறவு மற்றும் கடந்த கால பயணங்கள்

இந்தியாவின் மீதான தனது அபிமானத்தை பெஞ்சமின் நெதன்யாகு வெளிப்படுத்துவது இது முதல் முறையல்ல. கடந்த 2018-ஆம் ஆண்டு இந்தியா மேற்கொண்ட பயணத்தின்போது, இந்திய மக்கள் மற்றும் பிரதமர் மோடி அளித்த வரவேற்பைப் பற்றி அவர் நெகிழ்ச்சியுடன் குறிப்பிட்டிருந்தார்.

அக்காலகட்டத்தில் அவர் கூறுகையில், “உலக அளவில் இஸ்ரேலுக்கு மரியாதை கிடைக்கும் பல பகுதிகள் உள்ளன. இருப்பினும், 140 கோடி மக்கள் தொகை கொண்ட இந்தியாவில் இஸ்ரேல் மிகவும் பிரபலமாக உள்ளது. பிரதமர் மோடி என்னை மிகுந்த அன்புடன் வரவேற்றார். எனது மனைவியுடன் மேற்கொண்ட அந்தப் பயணம் அன்பிற்கான திருவிழாவாக அமைந்திருந்தது” என்று தெரிவித்துிருந்தார்.

இஸ்ரேல் மற்றும் இந்தியா இடையிலான இந்த நீண்டகால நட்பு, பாதுகாப்பு, தொழில்நுட்பம் மற்றும் விவசாயம் உள்ளிட்ட பல்வேறு துறைகளில் இரு நாடுகளுக்கும் பெரும் பலமாக உள்ளது. குறிப்பாக, இந்தியாவின் தேசிய பாதுகாப்பு மற்றும் உளவுத்துறை செயல்பாடுகளில் இஸ்ரேலின் ஒத்துழைப்பு முக்கியப் பங்கு வகிக்கிறது.

#israel #india #netanyahu #diplomacy #foreignPolicy #இந்தியாவில் அதிக ஆதரவு: இஸ்ரேல் பிரதமர் பெருமிதம் #israelPm #primeMinister #benjaminNetanyahu #இஸ்ரேல்