தமிழகத்தின் பல்வேறு பகுதிகளில் இன்று இரவு வரை மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. குறிப்பாக 10 மாவட்டங்களில் இடி மின்னலுடன் கூடிய மழைப்பொழிவு இருக்கும் என்று எதிர்பார்க்கப்படுகிறது.
வானிலை ஆய்வு மையத்தின் அறிக்கையின்படி, தருமபுரி, ராணிப்பேட்டை மற்றும் சேலம் ஆகிய மாவட்டங்களில் இடி மின்னலுடன் கூடிய மிதமான மழை பெய்ய வாய்ப்புள்ளது. இந்த பகுதிகளில் மழைப்பொழிவின் அளவு சற்று அதிகமாக இருக்கலாம் என்று கணிக்கப்பட்டுள்ளது.
லேசான மழைப்பொழிவு பதிவாகும் மாவட்டங்கள்
அதே நேரத்தில், திண்டுக்கல், ஈரோடு, மதுரை, திருச்சி, கிருஷ்ணகிரி, திருப்பத்தூர் மற்றும் வேலூர் ஆகிய மாவட்டங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என்று தெரிவிக்கப்பட்டுள்ளது.
மேலும், புதுச்சேரி மற்றும் காரைக்கால் உள்ளிட்ட பகுதிகளில் ஓரிரு இடங்களில் லேசான மழைப்பொழிவு காணப்படும் என்றும் வானிலை மையம் குறிப்பிட்டுள்ளது. இன்று இரவு 10 மணி வரை இந்த மழைப்பொழிவு நீடிக்கும் என்று எதிர்பார்க்கப்படுவதால், பொதுமக்கள் எச்சரிக்கையுடன் இருக்குமாறு அறிவுறுத்தப்பட்டுள்ளது.
Leave a Reply