நாமக்கல் மாவட்டம் ராசிபுரம் தாலுகா கரையான்தின்னி புதூர் கிராமத்தைச் சேர்ந்த சேதுபதி (28) என்பவருக்கும், சின்னசேலம் அருகே உள்ள தனியார் பள்ளி ஆசிரியை (26) என்பவருக்கும் இடையே காதல் ஏற்பட்டது. திருமணம் செய்து கொள்வதாக ஆசை வார்த்தை கூறி சேதுபதி அந்தப் பெண்ணுடன் உல்லாசம் அனுபவித்ததாக தெரிகிறது.
சம்பவத்தின் பின்னணி
இந்த நிலையில், அந்தப் பெண் கர்ப்பமானார். இது குறித்து சேதுபதியிடம் தெரிவித்து திருமணம் செய்து கொள்ளுமாறு வலியுறுத்தியுள்ளார். அதற்கு சேதுபதி திருமணம் செய்து கொள்வதாக உறுதியளித்து, கருவை கலைக்குமாறு கூறியதாக தெரிகிறது. அதன்படி அந்தப் பெண் கருவை கலைத்துள்ளார்.
திருமண மறுப்பும் போலீஸ் புகாரும்
பின்னர், சேதுபதி திருமணம் செய்ய மறுப்பு தெரிவித்துள்ளார். இதற்கு சேதுபதியின் பெற்றோர் உடந்தையாக இருந்ததாக கூறப்படுகிறது. இதனையடுத்து பாதிக்கப்பட்ட ஆசிரியை கள்ளக்குறிச்சி அனைத்து மகளிர் போலீஸ் நிலையத்தில் புகார் அளித்தார்.
வழக்கும் விசாரணையும்
புகாரின் பேரில், போலீசார் சேதுபதி மற்றும் இவரது தந்தை லோகநாதன், தாய் அன்பு ஆகிய மூன்று பேர் மீது வழக்குப் பதிவு செய்து விசாரணை நடத்தி வருகின்றனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.
Leave a Reply