சென்னை நீலாங்கரையில் உள்ள தமிழக வெற்றிக்கழகத் (த.வெ.க.) தலைவர் விஜயின் இல்லத்திற்கு பாதுகாப்பு அதிகரிக்கப்பட்டுள்ளது.
நடந்து முடிந்த தேர்தலில் தனிப்பெரும் கட்சியாக வெற்றி பெற்றதை தொடர்ந்து விஜயின் வீட்டின் முன் போலீசார் குவிக்கப்பட்டுள்ளனர். வெளிநபர் யாருக்கும் விஜய் இல்லம் அமைந்துள்ள சாலை வழியாக செல்ல அனுமதி இல்லை. டெலிவரி ஊழியர்கள் கூட தங்களது தகவல்களை பதிவு செய்த பின்னரே அவ்வழியாக செல்ல அனுமதிக்கப்படுகின்றனர்.
தமிழக சட்டசபை தேர்தலில் யாரும் எதிர்பாராத வகையில் த.வெ.க. வெற்றி பெற்று, 59 ஆண்டு கால திராவிட கட்சிகளின் ஆதிக்கத்துக்கு முற்றுப்புள்ளி வைத்துள்ளது. முதல் தேர்தலிலேயே வெற்றி வாகை சூடி, அங்கீகரிக்கப்பட்ட அரசியல் கட்சியாக உயர்ந்துள்ளது.
234 தொகுதிகளில் சென்னையில் 16 தொகுதிகள் ஒவ்வொரு கட்சிக்கும் முக்கியமான தொகுதிகளாக பார்க்கப்படும். அந்த வகையில் இதுவரை தி.மு.க., அ.தி.மு.க. ஆகிய இருபெரும் திராவிட கட்சிகள் எப்போதெல்லாம் ஆட்சிக் கட்டிலில் அமருகிறார்களோ? அப்போதெல்லாம் சென்னையின் இந்த 16 தொகுதிகளிலும் அதிக இடங்களை தக்க வைத்து தங்கள் கோட்டை என்பதை நிரூபிப்பார்கள்.
அதன்படி, 2026 சட்டமன்ற தேர்தலில் யார் சென்னையை தங்கள் கோட்டையாக தக்க வைக்கப் போகிறார்கள்? ஏற்கனவே ஆளுங்கட்சியாக இருந்த தி.மு.க. மீண்டும் கைப்பற்றுமா? அ.தி.மு.க. அதை தட்டிப் பறிக்குமா? என்ற எதிர்பார்ப்பு இருந்தது. இடையில் த.வெ.க. சூறாவளி காற்றாக உள்ளே புகுந்தது. அவர்களும் சென்னையில் முத்திரை பதிப்பார்களா? என்ற பேச்சும் எழுந்தது.
இதற்கெல்லாம் முற்றுப்புள்ளி வைக்கும் வகையில் நேற்றைய தேர்தல் முடிவு அமைந்தது. இருபெரும் திராவிட கட்சிகள் மாறி மாறி தங்கள் கைவசம் வைத்து இருந்த சென்னை கோட்டையை முதல் தேர்தலிலேயே த.வெ.க.வின் கோட்டையாக விஜய் எனும் ஒற்றை முகம் மாற்றியுள்ளது.
சென்னையில் உள்ள 16 தொகுதிகளில் சேப்பாக்கம்-திருவல்லிக்கேணி (உதயநிதி ஸ்டாலின்), துறைமுகம் (சேகர்பாபு) ஆகிய தொகுதியில் மட்டும் தி.மு.க. வெற்றி பெற்றது. மற்ற தொகுதிகளை த.வெ.க. வாரி சுருட்டிக்கொண்டது. தி.மு.க. தலைவரும், முதல்-அமைச்சருமான மு.க.ஸ்டாலின் கொளத்தூரில் தோற்கடிக்கப்பட்டிருக்கிறார். சென்னை எங்கள் கோட்டை என்பதை விசில் அடித்து உறுதி செய்துவிட்டது.
த.வெ.க.வின் இந்த வெற்றி தமிழக அரசியலில் புதிய சகாப்தத்தை தொடங்கியுள்ளது. ஏறத்தாழ ஆறு தசாப்தங்களாக திராவிட கட்சிகளின் ஆதிக்கத்தில் இருந்த சென்னை, இப்போது த.வெ.க.வின் செல்வாக்கு மையமாக மாறியுள்ளது. பல தொகுதிகளில் அ.தி.மு.க. மூன்றாம் இடத்திற்கு தள்ளப்பட்டது. இந்த வெற்றி விஜய்யின் தலைமையை மேலும் வலுப்படுத்தும் என்று எதிர்பார்க்கப்படுகிறது.
த.வெ.க.வின் வெற்றி மகிழ்ச்சி அளித்தாலும், ஆட்சி அமைப்பதிலும், தேர்தல் வாக்குறுதிகளை நிறைவேற்றுவதிலும் பல சவால்கள் உள்ளன. குறிப்பாக சென்னை மாநகரில் போக்குவரத்து நெரிசல், குடிநீர் பிரச்சினை, கட்டுப்பாடற்ற வளர்ச்சி போன்ற பிரச்சினைகளுக்கு தீர்வு காண வேண்டியது அவசியம்.
த.வெ.க. சென்னையில் 14 தொகுதிகளில் வெற்றி பெற்றது தமிழக அரசியல் வரலாற்றில் திருப்புமுனையாக அமைந்துள்ளது. விஜய் தலைமையில் கட்சி மேலும் வலுவடைந்து, மாநில அரசியலில் முக்கிய சக்தியாக உருவெடுத்துள்ளது. இந்த வெற்றி, திராவிட கட்சிகளின் ஆதிக்க முறையை மாற்றி, புதிய அரசியல் சகாப்தத்தை தொடங்கி வைத்துள்ளது.
தமிழகத்தில் நடைபெற்ற சட்டசபைத் தேர்தலில் த.வெ.க. (தமிழ் வெற்றி கழகம்) அதிரடி வெற்றி பெற்றுள்ளது. கடந்த 2024-ம் ஆண்டு தொடங்கப்பட்ட இக்கட்சி, தனது முதல் தேர்தலிலேயே 34.92 சதவீத வாக்குகளைப் பெற்று அசத்தியது. தனித்துப் போட்டியிட்ட 233 தொகுதிகளில் 108 இடங்களில் வெற்றி பெற்றது.
இந்திய அரசியலில் சில கட்சிகள் மிகக்குறுகிய காலத்திலேயே ஆட்சியைப் பிடித்துள்ளன. 1972-ல் எம்.ஜி.ஆர் தொடங்கிய அ.தி.மு.க., 1977-ல் 30.36% வாக்குகளுடன் ஆட்சியைப் பிடித்தது. 1983-ல் என்.டி.ஆரின் தெலுங்கு தேசம் கட்சி 46.30% வாக்குகளைப் பெற்று 9 மாதங்களில் ஆட்சி அமைத்தது. 2012-ல் ஆரம்பிக்கப்பட்ட ஆம் ஆத்மி கட்சி, 2013-ல் 29.49% வாக்குகளைப் பெற்று ஆட்சி அமைத்தது.
இப்பட்டியலில் நான்காவதாக த.வெ.க. இடம்பெற்றுள்ளது. விஜய் தனது முதல் தேர்தலிலேயே 34.92% வாக்குகளைப் பெற்று அனைத்தையும் முறியடித்தார். பெரம்பூரில் 53,715 வாக்குகள் வித்தியாசத்திலும், திருச்சி கிழக்கில் 27,416 வாக்குகள் வித்தியாசத்திலும் வெற்றி பெற்றார்.
தி.மு.க. 24.19% வாக்குகளுடன் இரண்டாம் இடத்திற்குத் தள்ளப்பட்டது. அ.தி.மு.க. 21.21% வாக்குகளுடன் மூன்றாம் இடத்தில் உள்ளது. இரண்டு முதன்மைக் கட்சிகளும் கடுமையான தோல்வியைச் சந்தித்தன.
தனிப்பெரும்பான்மை இல்லாவிட்டாலும், சில கட்சிகளின் ஆதரவுடன் விஜய் முதல்-அமைச்சராக பொறுப்பேற்கிறார். த.வெ.க. 34.92% வாக்குகளுடன் முதலிடம் பிடித்திருக்கிறது. இது தமிழக அரசியலில் புதிய சகாப்தத்தை தொடங்கி வைத்துள்ளது.
தமிழ்நாடு சட்டசபை தேர்தலில் தமிழக வெற்றிக் கழகம் (த.வெ.க.) கட்சி வெற்றி பெற்று தனிப்பெரும் கட்சியாக உருவெடுத்துள்ளது. இந்த வெற்றியின் மூலம் த.வெ.க. தமிழகத்தில் 59 ஆண்டு கால திராவிட கட்சிகளின் ஆதிக்கத்துக்கு முற்றுப்புள்ளி வைத்துள்ளது. முதல் தேர்தலிலேயே மாபெரும் வெற்றி பெற்று அங்கீகரிக்கப்பட்ட அரசியல் கட்சியாக த.வெ.க. உயர்ந்துள்ளது.
எனினும், தனிப் பெரும்பான்மையுடன் ஆட்சி அமைக்கும் அளவுக்கு த.வெ.க. வெற்றி பெறவில்லை. தமிழகத்தில் மொத்தம் உள்ள 234 தொகுதிகளில் 118 தொகுதிகளில் வெற்றி பெற்றால்தான், ஒரு கட்சிக்கு தனிப்பெரும்பான்மை கிடைக்கும். மேலும், 118 தொகுதிகளில் வெற்றி பெற்ற கட்சி அல்லது தேர்தல் கூட்டணியால் மட்டுமே தமிழகத்தில் ஆட்சி அமைக்க உரிமை கோர முடியும். தற்போதைய சூழலில், த.வெ.க. 105 தொகுதிகளில் வெற்றி, 2 தொகுதிகளில் முன்னிலை வகிக்கிறது. அந்த வகையில், த.வெ.க.வுக்கு தனிப்பெரும்பான்மை கிடைக்காத நிலையில், அடுத்து என்ன நடக்கும்? த.வெ.க. தலைவர் விஜய், தான் போட்டியிட்ட பெரம்பூர் மற்றும் திருச்சி கிழக்கு ஆகிய 2 தொகுதிகளிலும் வெற்றி பெற்றிருக்கிறார். இதில், ஒரு தொகுதியில் இருந்து விஜய் ராஜினாமா செய்ய வேண்டும். அவ்வாறு செய்தால், தொகுதிகளின் எண்ணிக்கையில் ஒன்று குறையும். அதேநேரத்தில், அக்கட்சியில் வெற்றி பெற்ற வேட்பாளர்களில் ஒருவர் சபாநாயகராக நியமிக்கப்பட வேண்டும். நம்பிக்கை வாக்கெடுப்பின்போது, சபாநாயகர் வாக்களிக்க முடியாது என்பதால், மேலும் ஒரு இடம் குறையும்.
அப்படி பார்க்கும்போது, த.வெ.க.வுக்கு பெரும்பான்மையை நிரூபிக்க மேலும் 13 உறுப்பினர்களின் ஆதரவு தேவை. தற்போதைய நிலையில், தி.மு.க. கூட்டணியில் இடம் பெற்றுள்ள காங்கிரஸ் கட்சிக்கு 5 இடங்களும், இரு கம்யூனிஸ்டு கட்சிகளுக்கு தலா 2 தொகுதிகள் வீதம் 4 இடங்களும், தே.மு.தி.க.விற்கு 1 இடமும், இந்திய யூனியன் முஸ்லீம் லீக் கட்சிக்கு 2 இடங்களும், விடுதலை சிறுத்தை கட்சிக்கு 2 இடங்களும் கிடைத்துள்ளன. அ.தி.மு.க. கூட்டணியில் உள்ள பா.ம.க.விற்கு 4 இடங்களும், பா.ஜ.க.வுக்கு 1 இடமும், அம.மு.க. கடசிக்கு 1 இடமும் கிடைத்துள்ளன. தி.மு.க. மற்றும் அ.தி.மு.க. என இரு கூட்டணிகளில் இருந்தும் உள்ள பிற கட்சிகளின் ஆதரவு கிடைத்தால், த.வெ.க.விற்கு கூடுதலாக 21 இடங்கள் கிடைக்கும். அதன்படி கணக்கிடும்போது 108+21 என்றளவில் 129 இடங்களை பெற முடியும். ஆனால், அவ்வளவு கட்சிகளின் ஆதரவும் த.வெ.க.வுக்கு தேவையில்லை. 13 உறுப்பினர்களின் ஆதரவே போதுமானது.
தொகுதிகளின் வெற்றி கணக்கு ஒருபுறம் இருக்க, மற்றொரு புறம் தமிழக ஆளுநர் ஆர்.வி. அர்லேகர் நாளை சென்னை கிண்டியில் உள்ள மக்கள் மாளிகைக்கு வருகை தருகிறார். தமிழகத்தில் ஆட்சி அமைக்க த.வெ.க.வுக்கு 2 வாய்ப்புகளை அவர் வழங்க வாய்ப்புகள் உள்ளன. அதில் முதலாவதாக, த.வெ.க. தலைவர் விஜய்யை அழைத்து, சட்டசபையில் பெரும்பான்மையை நிரூபிக்க கூறலாம். இரண்டாவதாக, தனக்கு ஆதரவு தரும் கட்சிகளிடம் இருந்து கடிதங்களை பெற்று, அதை தன்னிடம் வழங்கும்படி ஆளுநர் சொல்லலாம். 118 இடங்களுக்கு மேல் ஆதரவு கிடைத்தால், த.வெ.க. ஆட்சி அமைப்பதற்கான உரிமையை ஆளுநர் வழங்கலாம். ஒருவேளை ஆதரவு கிடைக்காமல் போனால், த.வெ.க.வுக்கு ஆட்சி அமைக்கும் உரிமை கிடைக்காமல் போகும்.
இதுபோன்ற நிலைமை ஏற்பட்டால், இரண்டாவதாக அதிக இடங்களை பெற்றுள்ள தி.மு.க.வை ஆட்சி அமைக்க ஆளுநர் கோருவார். அவர்களாலும் ஆட்சி அமைக்க முடியாமல் போனால், அடுத்த 6 மாதங்கள் தமிழகத்தில் ஆளுநர் ஆட்சி நடைபெறும். அதன் பின்னர் சட்டசபை தேர்தல் 234 தொகுதிகளுக்கும் மீண்டும் நடைபெறும். தமிழக அரசியலில் இந்த முடிவு மிக முக்கியமானதாக அமையும். த.வெ.க.வின் எதிர்காலம் மற்றும் தமிழகத்தின் ஆட்சி அமைப்பு குறித்து விரைவில் தெளிவு கிடைக்கும்.
தமிழக சட்டசபை தேர்தலில் யாரும் எதிர்பாராத வகையில் த.வெ.க. வெற்றி பெற்று, 59 ஆண்டு கால திராவிட கட்சிகளின் ஆதிக்கத்துக்கு முற்றுப்புள்ளி வைத்துள்ளது. முதல் தேர்தலிலேயே வெற்றி வாகை சூடி, அங்கீகரிக்கப்பட்ட அரசியல் கட்சியாக உயர்ந்துள்ளது.
என்றாலும், தனிப்பெரும்பான்மையுடன் ஆட்சி அமைக்கும் அளவுக்கு த.வெ.க.வுக்கு வெற்றி கிடைக்கவில்லை. மொத்தம் உள்ள 234 தொகுதிகளில் 118 தொகுதிகளில் வெற்றி பெற்றால்தான், ஒரு கட்சிக்கு தனிப்பெரும்பான்மை கிடைக்கும். ஆனால், த.வெ.க. 108 தொகுதிகளில்தான் முன்னிலை வகிக்கிறது. த.வெ.க.வுக்கு தனிப்பெரும்பான்மை கிடைக்காத நிலையில், அடுத்து என்ன நடக்கும் என்பதை தொடர்ந்து பார்ப்போம்.
த.வெ.க. தலைவர் விஜய், தான் போட்டியிட்ட பெரம்பூர், திருச்சி கிழக்கு ஆகிய 2 தொகுதிகளிலும் வெற்றி பெற்றிருக்கிறார். இதில், ஒன்றை ராஜினாமா செய்ய வேண்டும். அவ்வாறு செய்தால், தொகுதிகளின் எண்ணிக்கையில் ஒன்று குறையும். அதேநேரத்தில், அக்கட்சியில் வெற்றி பெற்ற வேட்பாளர்களில் ஒருவர் சபாநாயகராக நியமிக்கப்பட வேண்டும். நம்பிக்கை வாக்கெடுப்பின்போது, சபாநாயகர் வாக்களிக்க முடியாது என்பதால், மேலும் ஒரு இடம் குறையும். அப்படி பார்க்கும்போது, த.வெ.க.வுக்கு பெரும்பான்மையை நிரூபிக்க மேலும் 12 உறுப்பினர்களின் ஆதரவு தேவை.
தற்போதைய நிலையில், தி.மு.க. கூட்டணியில் இடம் பெற்றுள்ள காங்கிரஸ் கட்சிக்கு 6 இடங்களும், இரு கம்யூனிஸ்டு கட்சிகளுக்கு தலா 2 தொகுதிகள் வீதம் 4 இடங்களும், தே.மு.தி.க.விற்கு 1 இடமும், இந்திய யூனியன் முஸ்லீம் லீக்கிற்கு 2 இடங்களும், விடுதலை சிறுத்தை கட்சிக்கு 2 இடங்களும் கிடைத்துள்ளன. அ.தி.மு.க. கூட்டணியில் உள்ள பா.ம.க.விற்கு 4 இடங்களும், பா.ஜ.க.வுக்கு 1 இடமும், அம.மு.க.வுக்கு 1 இடமும் கிடைத்துள்ளன.
தி.மு.க., அ.தி.மு.க. இரு கூட்டணிகளிலும் உள்ள பிற கட்சிகளின் ஆதரவு கிடைத்தால், த.வெ.க.விற்கு கூடுதலாக 21 இடங்கள் கிடைக்கும். அதன்படி கணக்கிடும்போது 108+21 என்றளவில் 129 இடங்களை பெற முடியும். ஆனால், அவ்வளவு கட்சிகளின் ஆதரவும் த.வெ.க.வுக்கு தேவையில்லை. 12 உறுப்பினர்களின் ஆதரவே போதுமானது.
இந்த கணக்கு ஒருபுறம் இருக்க, மற்றொரு புறம் தமிழக கவர்னர் ஆர்.வி.அர்லேகர் நாளை சென்னை கிண்டியில் உள்ள மக்கள் மாளிகைக்கு வருகை தருகிறார். தமிழகத்தில் ஆட்சி அமைக்க த.வெ.க.வுக்கு 2 வாய்ப்புகளை அவர் வழங்குவார். ஒன்று, த.வெ.க. தலைவர் விஜய்யை அழைத்து, சட்டசபையில் பெரும்பான்மையை நிரூபிக்க கூறுவார். அல்லது, தனக்கு ஆதரவு தரும் கட்சிகளிடம் இருந்து கடிதங்களை பெற்று, அதை தன்னிடம் வழங்கும்படி சொல்வார். 118 இடங்களுக்கு மேல் ஆதரவு கிடைத்தால், த.வெ.க.வுக்கு ஆட்சி அமைக்கும் உரிமையை கவர்னர் வழங்குவார்.
அவ்வாறு ஆதரவு கிடைக்காமல் போனால், த.வெ.க.வுக்கு ஆட்சி அமைக்கும் உரிமை கிடைக்காமல் போகும். அதுபோன்ற நிலைமை ஏற்பட்டால், இரண்டாவதாக அதிக இடங்களை பெற்றுள்ள தி.மு.க.வை ஆட்சி அமைக்க கவர்னர் கோருவார். அவர்களாலும் ஆட்சி அமைக்க முடியாமல் போனால், அடுத்த 6 மாதங்கள் தமிழகத்தில் கவர்னர் ஆட்சி நடைபெறும். அதன் பின்னர் சட்டசபை தேர்தல் 234 தொகுதிகளுக்கும் மீண்டும் நடைபெறும்.
தமிழக சட்டசபை தேர்தல் வாக்கு எண்ணிக்கை நடைபெற்று வரும் நிலையில், இரவு 9 மணி நிலவரப்படி தமிழக வெற்றிக் கழகம் (த.வெ.க.) 107 தொகுதிகளிலும், திமுக 60 தொகுதிகளிலும், அதிமுக 47 தொகுதிகளிலும் முன்னிலையில் இருந்து வருகிறது. ஆட்சியமைக்க 118 தொகுதிகள் பெரும்பான்மை தேவை என்பது குறிப்பிடத்தக்கது.
முதல் தேர்தலிலேயே த.வெ.க. மிகப்பெரிய அளவில் வெற்றியைப் பதிவு செய்துள்ளது. த.வெ.க. தலைவர் விஜய், பெரம்பூர் தொகுதியில் 1,12,127 வாக்குகள் பெற்று வெற்றி பெற்றுள்ளதாக தெரிவிக்கப்பட்டுள்ளது. அதேபோல திருச்சி கிழக்கு தொகுதியில் விஜய் 73,044 வாக்குகள் பெற்று வெற்றியை பதிவு செய்துள்ளார்.
இந்நிலையில் த.வெ.க. தலைவர் விஜய்க்கு வாழ்த்து தெரிவித்து நடிகர் தனுஷ் மற்றும் நடிகை சமந்தா ஆகியோர் பதிவிட்டுள்ளனர்.
நடிகர் தனுஷ் தனது எக்ஸ் வலைதளத்தில், “களத்துக்கு வந்து போட்டியிட்ட முதல் தேர்தலிலேயே தமிழ்நாட்டு மக்களின் பெரும் ஆதரவையும் அன்பையும் பெற்று ஆட்சியமைக்கவிருக்கும் விஜய் சார் அவர்களுக்கும் தமிழக வெற்றிக் கழகத்துக்கும் என் மனமார்ந்த வாழ்த்துகள்” என்று பதிவிட்டுள்ளார்.
நடிகை சமந்தா தனது இன்ஸ்டாகிராம் பக்கத்தில், “வரலாற்றை மாற்றி எழுத இதைவிட ஒரு மகத்தான வழி இருக்க முடியாது. விஜய் சார், நீங்கள் தேர்ந்தெடுக்கப்பட்டவர் என்பது எனக்கு எப்போதோ தெரியும். இது எப்போதுமே உங்கள் கனவாக இருந்தது. நீங்கள் இப்படியாகத்தான் ஆக வேண்டும் என விதிக்கப்பட்டிருந்தது. அது நீங்கள் என்பதில் மிக்க பெருமை” என்று பதிவிட்டுள்ளார்.
தமிழக சட்டசபை தேர்தலில் முதல் முறையாக களம் கண்ட த.வெ.க., முதலமைச்சர் வேட்பாளராக விஜய்யை முன்னிறுத்தியது. இளைஞர்கள் மத்தியில் பிரபலமான விஜய், தனது திரைப்பட ரசிகர்களின் ஆதரவுடன் தேர்தல் களத்தில் கவனம் ஈர்த்தார். திமுக, அதிமுக, பாமக உள்ளிட்ட கட்சிகளை எதிர்த்து போட்டியிட்ட த.வெ.க., பல தொகுதிகளில் அதிரடி வெற்றி பெற்றுள்ளது.
விஜய் போட்டியிட்ட இரண்டு தொகுதிகளிலும் வெற்றி பெற்றுள்ளார். பெரம்பூர் தொகுதியில் மிகப்பெரிய வாக்கு வித்தியாசத்தில் வெற்றி பெற்ற நிலையில், திருச்சி கிழக்கு தொகுதியிலும் வெற்றியை பதிவு செய்துள்ளார். இதனால் விஜய், தான் போட்டியிட்ட தொகுதிகளில் ஒன்றை தேர்தல் ஆணையத்திடம் தெரிவிக்க வேண்டியுள்ளது.
த.வெ.க. ஆட்சியமைத்தால் விஜய் முதலமைச்சராக பதவியேற்பார் என எதிர்பார்க்கப்படுகிறது. கடந்த காலங்களில் பல்வேறு சமூக பணிகளில் ஈடுபட்டு வந்த விஜய், தற்போது ஆட்சியின் முழு பொறுப்பையும் ஏற்க உள்ளார்.
தமிழ்நாடு சட்டமன்றத் தேர்தல் 2026 முடிவுகள் வெளியாகி பெரும் அதிர்ச்சியை ஏற்படுத்தியுள்ளது. திமுக தலைவர் மு.க.ஸ்டாலின் தோல்வி அடைந்துள்ள நிலையில், பல்வேறு தரப்பினரும் தங்கள் கருத்துகளை பகிர்ந்து வருகின்றனர். பிரபல இயக்குநர் மாரி செல்வராஜ் இது தொடர்பாக தனது எக்ஸ் தள பக்கத்தில் உணர்வுபூர்வமான பதிவை வெளியிட்டுள்ளார்.
இதுகுறித்து மாரி செல்வராஜ் தனது எக்ஸ் தளத்தில் வெளியிட்டுள்ள பதிவில், “இந்த தேர்தல் முடிவுகள் நிறைய அதிர்ச்சிகளையும் ஆச்சர்யங்களையும் சில நம்பிக்கைகளையும் எனக்கு கொடுத்திருப்பதை போல பெரு வலியையும் கொடுத்திருக்கிறது. முதல்வர் மு.க.ஸ்டாலின் அவர்களின் தோல்வி மனதை பிசைகிறது” என தெரிவித்துள்ளார். மேலும், “அரசியலின் அடிப்படையான சித்தாந்தம், கொள்கை கோட்பாடுகளை தாண்டி மக்கள் திரள், மக்கள் பிரியம், மக்கள் விருப்பம் என்பதுதான் தேர்தல் அரசியலை தீர்மானிக்கும் சக்தியாக வெடித்திருப்பதை உணர்ந்துகொள்ள முடிகிறது” என்றும் குறிப்பிட்டுள்ளார்.
த.வெ.க தலைவர் விஜய் தனது முதல் தேர்தலிலேயே மிகப்பெரிய வெற்றியைப் பெற்றுள்ள நிலையில், மாரி செல்வராஜ் அவருக்கு வாழ்த்து தெரிவித்துள்ளார். “தான் கலந்துகொண்ட முதல் தேர்தலிலே அப்படியொரு பிரியத்தையும் எதிர்பார்ப்பையும் த.வெ.க தலைவர் விஜய் சார் அவர்களுக்கு மக்கள் வழங்கியிருக்கிறார்கள். அதன்படி தமிழ்நாட்டில் புதிய அரசை நிறுவ இருக்கும் விஜய் சார் அவர்களுக்கும் தமிழக வெற்றிக் கழகத்திற்கும் என் வாழ்த்துகளை தெரிவித்துகொள்கிறேன். மக்கள் பணி சிறக்கட்டும்” என அவர் தெரிவித்துள்ளார்.
பிரபல இசையமைப்பாளர் ஏ.ஆர்.ரஹ்மானும் விஜய்க்கு வாழ்த்து தெரிவித்துள்ளார். அவர் தனது எக்ஸ் தள பக்கத்தில், “தமிழக வெற்றிக்கழகத்திற்கு இதயம் கனிந்த வாழ்த்துகள்! அன்புள்ள விஜய் அவர்களுக்கு, ஊழலற்ற அரசியல், சமூக நீதி, சமத்துவம் ஆகியவற்றை முன்னிறுத்தி, தமிழ்நாட்டை முன்னணிக்கு கொண்டு செல்லும் சிறந்த தலைவராக நீங்கள் உயர, வளர வாழ்த்துகள். பிளவுகளை மறுக்கும் அரசியல் பண்பாட்டுடன், தமிழையும் தமிழரையும் கொண்டாடும், சென்னை நகரத்தை கலை மற்றும் செழிப்பு நிறைந்ததாக மாற்றும் பயணமாக உங்கள் பணி சிறக்கட்டும்!” என தெரிவித்துள்ளார்.
தமிழ்நாடு சட்டமன்றத் தேர்தலில் திமுக தலைமையிலான கூட்டணி தோல்வியைத் தழுவியுள்ள நிலையில், த.வெ.க தலைமையிலான கூட்டணி ஆட்சியைப் பிடிக்க உள்ளது. விஜய் தலைமையிலான தமிழக வெற்றிக் கழகம் பெரும்பான்மை இடங்களைப் பெற்று ஆட்சி அமைக்க உள்ளது. தேர்தல் முடிவுகள் மாநில அரசியலில் புதிய மாற்றத்தை ஏற்படுத்தியுள்ளன.
தமிழக சட்டசபை தேர்தல் வாக்கு எண்ணிக்கை இன்று காலை தொடங்கி நடந்து வருகிறது. இதில், தமிழக வெற்றிக் கழகம் (த.வெ.க.) தனிப்பெரும் கட்சியாக உருவெடுத்துள்ளது. தி.மு.க. தலைமையிலான மதசார்பற்ற முற்போக்கு கூட்டணி மற்றும் அ.தி.மு.க. தலைமையிலான தேசிய ஜனநாயக கூட்டணி ஆகியவை போட்டியிட்ட நிலையில், த.வெ.க. மற்றும் நாம் தமிழர் கட்சி தனித்து போட்டியிட்டன.
இந்நிலையில், அகில இந்திய காங்கிரஸ் கட்சியின் தமிழக பொறுப்பாளர் கிரீஷ் சோடங்கர் இன்று செய்தியாளர்களிடம் பேசினார். அவர் கூறுகையில், “காங்கிரஸ் தலைமையிடம் அறிக்கை ஒன்றை அளித்து இருக்கிறேன். தமிழக விவகாரம் பற்றி அவர்கள் முடிவெடுப்பார்கள்” என்றார்.
த.வெ.க.வுக்கு ஆதரவு தெரிவிக்கும் வகையில் அவர் மேலும் கூறுகையில், “தமிழக மக்கள் மாற்றத்திற்காக வாக்களித்து இருக்கிறார்கள். குறிப்பாக இளைஞர்களும், பெண்களும் த.வெ.க.வுக்கு ஆதரவாக வாக்களித்து உள்ளனர். இதனால் த.வெ.க. பெரும் எண்ணிக்கையில் வெற்றி பெற்றுள்ளது” என்று தெரிவித்தார்.
த.வெ.க. பெரும்பான்மை பெற சில தொகுதிகள் மட்டுமே தேவைப்படும் நிலையில், காங்கிரஸ் கட்சி 5 தொகுதிகளில் முன்னிலை பெற்றுள்ளது. ஏற்கனவே தேர்தல் கூட்டணி அமைவதற்கு முன்பு த.வெ.க.வுடன் காங்கிரஸ் கைகோர்க்கும் என பரவலாக பேசப்பட்டது. தற்போது, த.வெ.க.வுக்கு பெரும்பான்மைக்கு தேவையான ஆதரவை காங்கிரஸ் அளிக்கும் என்றும் கூறப்படுகிறது.
கிரீஷ் சோடங்கர் மேலும் கூறுகையில், ” நான் காங்கிரஸ் தலைவர் மல்லிகார்ஜுன கார்கே, மக்களவை எதிர்க்கட்சி தலைவர் ராகுல் காந்தி மற்றும் கட்சியின் அமைப்பு பொது செயலாளர் கே.சி. வேணுகோபால் ஆகியோருக்கு அறிக்கை ஒன்றை அனுப்பி விட்டேன். தமிழகத்தில் என்ன செய்ய வேண்டும் என்று அவர்கள் முடிவெடுப்பார்கள்” என்று தெரிவித்தார்.
இந்த பேட்டி தமிழக அரசியலில் பரபரப்பை ஏற்படுத்தியுள்ளது. த.வெ.க. ஆட்சி அமைப்பதற்கு தேவையான நெகிழ்வான ஆதரவை காங்கிரஸ் வழங்குமா என்பது காத்திருக்க வேண்டியுள்ளது.
தமிழ்நாடு இதுவரை சந்தித்த தேர்தல் களத்தில் நடந்து முடிந்த 2026 சட்டமன்ற தேர்தல் களம் வித்தியாசமாக அமைந்தது. தேர்தல் களத்தில் விஜய்யின் பிரவேசம் கள நிலவரத்தையே மாற்றியது. அவரது வருகை எப்படி இருக்கும்? என்ற எதிர்பார்ப்பு தேர்தல் பிரசாரம் தொடங்கிய போதே ஏற்பட்டது.
விஜய் அரசியலுக்கு புதிது… தேர்தலுக்கு புதிது… கட்சிக்கு கட்டமைப்பு எதுவும் இல்லை. இந்த சூழ்நிலையில் களத்தில் ஜாம்பவான்களாக இருக்கும் தி.மு.க., அ.தி.மு.க. போன்ற கட்சிகளை த.வெ.க. எப்படி எதிர்கொள்ள போகிறது? என்ற எதிர்பார்ப்பு எல்லோரிடமும் ஏற்பட்டது.
நடிகரை பார்த்து கூட்டம் கூடும். அது வாக்குகளாக மாறுமா? என்ற விவாதமும் எழுந்தது. இந்த பரபரப்பான நகர்வுகளின் நிறைவில் வாக்குப்பதிவு நாளும் வந்தது. சென்னை முதல் கன்னியாகுமரி வரை எல்லா தொகுதிகளிலும் அரசியல் கட்சிகள் திரும்பி பார்க்கும் வகையில் விசிலுக்கு வாக்குகள் அதிக அளவில் விழுந்து இருக்குமோ? என்ற சந்தேகத்தை ஏற்படுத்தியது. அதற்கு காரணம், ஒவ்வொரு வாக்குச்சாவடியிலும் நிகழ்ந்த சம்பவங்கள்தான். பல தேர்தல்களை சந்தித்த முன்னணி கட்சிகள் கூட விசிலுக்கு விழுந்த வாக்குகளை பார்த்து ஆச்சரியப்பட்டன.
234 தொகுதிகளிலும் தனித்தே போட்டியிட்டது த.வெ.க. அந்த கட்சியை பொறுத்தவரை எல்லோருக்கும் தெரிந்த முகம் விஜய் என்ற ஒரே முகம்தான். அதை தாண்டி எந்த தொகுதியில் எந்த வேட்பாளர் நிற்கிறார் என்பது எவருக்கும் தெரிந்திருக்கவில்லை. அதுமட்டுமல்ல வாக்களித்தவர்களும் தங்கள் வேட்பாளர் யார்? என்று கூட தெரியாமல்தான் பெரும்பாலும் ‘விசில்’ சின்னத்தை பார்த்து வாக்களித்தார்கள் என்பதுதான் கள நிலவரம்.
இருந்தாலும் இந்த வாக்குகள் வெற்றிக்கு வழிவகுக்காது. புதிய கட்சி, புதிய எதிர்பார்ப்புடன் இளைய தலைமுறையினர் வாக்களித்து இருக்கிறார்கள் அவ்வளவுதான் என்று களத்தில் நின்றவர்கள் தங்களுக்கு தாங்களே ஆசுவாசப்படுத்திக் கொண்டார்கள்.
ஆனாலும் தேர்தலுக்கு பிந்தைய கருத்து கணிப்புகள் மாற்றி யோசிக்க வைத்தது. அதிக அளவில் இளைய தலைமுறையினர் வாக்களித்து இருந்ததும் புதிய கட்சியின் வரவை பலர் எதிர்பார்த்ததும் நிச்சயம் தேர்தல் முடிவில் தாக்கத்தை ஏற்படுத்தலாம் என்ற எண்ணத்தை ஏற்படுத்தியது.
கருத்துக்கணிப்பில் முன்னணி நிறுவனங்கள் தி.மு.க. மற்றும் அ.தி.மு.க. அணிகளுக்குதான் வெற்றி சாதகமாக இருக்கும் என்று கணித்தன. ஒரே ஒரு நிறுவனம் மட்டும் த.வெ.க. ஆட்சியை பிடிக்கும் என்று கணித்தன.
தேர்தல் முடிவு வரும் முன்னே தி.மு.க., அ.தி.மு.க., த.வெ.க. ஆகிய 3 கட்சிகளுமே ஆட்சியை பிடிக்கப்போவது தாங்கள்தான் என்ற நினைப்பில் அதற்கான முன்தயாரிப்பு வேலைகளிலும் இறங்கி விட்டார்கள்.
அரியணை யாருக்கு? என்று முடிவு செய்யும் வாக்கு எண்ணிக்கை இன்று காலை 8 மணிக்கு தொடங்கியது. தொடக்கம் முதலே எதிர்பாராத திருப்பங்களுடன் வாக்கு எண்ணிக்கை முடிவுகள் அமைந்தது. ஒவ்வொரு சுற்றிலும் எந்த கட்சி முன்னிலை என்று ஒட்டுமொத்த தமிழகமும் ஆர்வமுடன் பார்த்து கொண்டு இருந்த நேரத்தில் விசிலின் சத்தம் பெரும்பாலான தொகுதிகளில் கேட்டது.
தேர்தல் முடிவுகளை அது தெறிக்க விட்டது. முதலமைச்சர் மு.க.ஸ்டாலின், துணை முதலமைச்சர் உதயநிதி ஸ்டாலின், காங்கிரஸ் தலைவர் செல்வப்பெருந்தகை உள்ளிட்ட முக்கிய தலைவர்கள் தடுமாற தொடங்கினார்கள். பல தேர்தல்களை சாதித்து அனுபவம் பெற்ற அமைச்சர்களும், முக்கிய பிரமுகர்களும் கூட விசிலின் தாக்கத்தால் தோல்வியை சந்திக்கும் நிலைக்கு தள்ளப்பட்டார்கள். அந்த தொகுதிகளில் விசிலின் தாக்கம் அதிகமாகவே இருந்தது.
காலையில் ஓட்டு எண்ணிக்கை தொடங்கியதும் கேட்க தொடங்கிய விசில் சத்தம் நேரம் செல்ல செல்ல குறையாமல் ஓங்கி ஒலித்துக் கொண்டே இருந்தது. இதனால் அ.தி.மு.க.வும், த.வெ.க.வும் கணிசமான தொகுதிகளை ஆக்கிரமிக்க தொடங்கியது. தமிழக அரசியல் வரலாற்றில் இதுவரை 3-வது அணி அல்லது 3-வது கட்சி ஆட்சிக்கு வந்ததாக சரித்திரம் இல்லை. ஆட்சியை நிர்ணயம் செய்ததாகவும் வரலாறு இல்லை. அந்த வரலாறுகளை முறியடித்து த.வெ.க. புதிய வரலாறு படைத்துள்ளது.
பாரம்பரியமான காங்கிரஸ் கட்சியின் ஆட்சி 1967-ல் முடிவுக்கு வந்தது. அதன் பிறகு தி.மு.க.வும், அ.தி.மு.க.வும்தான் இதுவரை மாறி, மாறி ஆட்சி, அதிகாரத்தை கைப்பற்றி வந்துள்ளன.
1967, 1971, 1989, 1996, 2006, 2021 ஆகிய 6 தேர்தல்களில் தி.மு.க. வென்றது. 1977, 1980, 1984, 1991, 2001, 2011, 2016 ஆகிய 7 தேர்தல்களில் அ.தி.மு.க. மகுடம் சூடியது. இந்த 2 கட்சிகளையும் தாண்டி வேறு எந்த கட்சியாலும் தமிழகத்தில் ஆதிக்கம் செலுத்த முடியவில்லை. இந்த இருக்கட்சிகளுமே கூட்டணி பலத்தோடுதான் தேர்தல்களில் வெற்றியும் பெற்றன.
இந்த இருகட்சிகளையும் தாண்டி புதிதாக ஒரு ஆட்சியை கொண்டு வர திட்டமிட்டு தேர்தல் காலங்களில் புதிய கூட்டணிகளையும் உருவாக்கி இருக்கிறார்கள். ஆனாலும் அந்த கூட்டணிகளால் சாதிக்க முடியவில்லை.
காங்கிரஸ் ஆட்சிக்கு முடிவுகட்டிய 1967-ல் தேர்தலில் தி.மு.க., சுதந்திரா கட்சி, இடதுசாரிகள் கூட்டணி அமைத்து தேர்தலை சந்தித்து வெற்றி பெற்றன. 1971-ல் தி.மு.க. இந்திரா காங்கிரசுடன் கூட்டணி அமைத்து வெற்றி கண்டன. 1977-ல் எம்.ஜி.ஆர். அ.தி.மு.க.வை தொடங்கி காங்கிரசுடன் கூட்டணி அமைத்து வெற்றி கண்டார். அதன் பிறகு தொடர்ந்து 3 முறை எம்.ஜி.ஆர். வென்றார். ஆனாலும் காங்கிரஸ், இடதுசாரிகளுடன் மாறி, மாறி கூட்டணி அமைத்தே தேர்தல்களில் வெற்றி கண்டார். எம்.ஜி.ஆர். மறைவுக்கு பிறகு அ.தி.மு.க. பிளவுபட்டு இருந்தபோது தி.மு.க. இடதுசாரிகளுடன் கூட்டணி அமைத்து தேர்தலில் வெற்றி பெற்றது.
1991-ல் ராஜீவ்காந்தி படுகொலை செய்யப்பட்டதும் அ.தி.மு.க.- காங்கிரஸ் கூட்டணி அமைத்து வெற்றி பெற்றன. 1996-ல் தி.மு.க. மூப்பனார் தலைமையிலான த.மா.கா.வுடன் கூட்டணி அமைத்து வென்றது. 2001-ல் அ.தி.மு.க., காங்கிரஸ், இடதுசாரிகள் கூட்டணி அமைத்து வெற்றி பெற்றன. 2006-ல் தி.மு.க., காங்கிரஸ், பா.ம.க., இடதுசாரிகள் கூட்டணி அமைத்து ஆட்சியை கைப்பற்றியது. 2011-ல் அ.தி.மு.க., தே.மு.தி.க., இடதுசாரிகள் கூட்டணி அமைத்து தேர்தலை சந்தித்தன. அப்போது 2ஜி ஊழல் விவகாரம், தி.மு.க.வுக்கு எதிரான அலையால் அ.தி.மு.க. அமோக வெற்றி பெற்றது.
2016 தேர்தலில் ஜெயலலிதா தலைமையில் அ.தி.மு.க. முதல்முறையாக தனித்து போட்டியிட்டு வெற்றி பெற்றது. அதுமட்டுமின்றி 32 ஆண்டுகளுக்கு பிறகு முதல்முறையாக அ.தி.மு.க. தொடர்ந்து 2-வது முறையாக வெற்றி பெற்றது. கடந்த 2021 தேர்தலில் தி.மு.க., காங்கிரஸ், இடதுசாரிகள், விடுதலை சிறுத்தைகள் கூட்டணி அமைத்து வென்றன.
தமிழக அரசியல் வரலாற்றில் இந்த தேர்தல் முடிவுகள் மிகப்பெரிய அரசியல் புரட்சியாகவே பார்க்கப்படுகிறது. எம்.ஜி.ஆர். கட்சி தொடங்கியபோது அவருக்கு ஏற்கனவே தி.மு.க.வில் இருந்த அரசியல் அனுபவம் மற்றும் அவருடன் இணைந்த நாஞ்சில் மனோகரன், ஆர்.வீரப்பன், பண்ருட்டி ராமச்சந்திரன், காளிமுத்து, திருநாவுக்கரசர், கே.ஏ.கிருஷ்ணசாமி, எஸ்.டி.சோமசுந்தரம், பொன்னையன், ஹண்டே போன்ற அனுபவம் வாய்ந்த தலைவர்களின் பக்க பலமும் இருந்தது.
ஆனால் விஜய்க்கு எந்தவிதமான அரசியல் பின்புலமும் இல்லை. அனுபவம் மிக்க தலைவர்களின் பக்க பலமும் இல்லை. ஆனாலும் தேர்தலில் விஜய் என்ற தனிமனிதர் தனித்துவமான வெற்றியை பெற்று சாதித்துள்ளார். அவர் தேர்தல் பிரசாரம் மூலம் இளைய தலைமுறையினரை ஈர்த்து, மாற்றத்திற்கான விருப்பத்தை வாக்குகளாக மாற்றினார்.
இந்த வெற்றி தமிழக அரசியலில் புதிய போக்கை உருவாக்கியுள்ளது. விஜய் தலைமையிலான த.வெ.க. அடுத்த 5 ஆண்டுகளுக்கு தமிழ்நாட்டை எப்படி வழிநடத்தும் என்பதை பொறுத்திருந்துதான் பார்க்க வேண்டும்.
தமிழக சட்டசபை தேர்தலில் பதிவான வாக்குகள் எண்ணப்பட்டு வரும் நிலையில், தமிழக வெற்றிக் கழகம் (த.வெ.க.) அபார முன்னிலையில் உள்ளது. காலை 10.50 மணி நிலவரப்படி த.வெ.க. 106 இடங்களிலும், அதிமுக கூட்டணி 75 இடங்களிலும், திமுக கூட்டணி 51 இடங்களிலும் முன்னிலை வகித்து வருகின்றன.
த.வெ.க. தலைவர் விஜய், பெரம்பூர் தொகுதியில் 4வது சுற்று முடிவில் 9,138 வாக்குகள் வித்தியாசத்தில் முன்னிலை வகித்து வருகிறார். சென்னையில் உள்ள 16 தொகுதிகளில் 14 தொகுதிகளில் த.வெ.க. முன்னிலை வகிப்பது குறிப்பிடத்தக்கது. சேப்பாக்கம்-திருவல்லிக்கேணி தொகுதியில் நீர் பாசன அமைச்சர் உதயநிதி ஸ்டாலின் 3வது சுற்றில் 400 வாக்குகள் வித்தியாசத்தில் முன்னிலை பெற்றுள்ளார். ஆனால், முதலமைச்சர் மு.க.ஸ்டாலின் கொளத்தூர் தொகுதியில் தொடர்ந்து பின்னடைவை சந்தித்து வருகிறார். த.வெ.க. 33.9 சதவீத வாக்குகள் பெற்றுள்ள நிலையில், ஆட்சியை அமைக்கத் தேவையான 117 தொகுதிகளை எட்டும் வாய்ப்பு உள்ளது.
தென்மாவட்டங்களில் த.வெ.க. பலமான முன்னிலையை வகித்து வருகிறது. திருநெல்வேலி மாவட்டத்தில் 5 தொகுதிகளிலும், தூத்துக்குடியில் ஸ்ரீநாத் 3ஆயிரம் வாக்குகள் வித்தியாசத்தில் முன்னிலை வகித்து வருகிறார். காட்பாடியில் அமைச்சர் துரைமுருகன், விருத்தாசலத்தில் அமைச்சர் பிரேமலதா ஆகியோர் பின்னடைவில் உள்ளனர். எடப்பாடியில் அதிமுக பொதுச்செயலாளர் எடப்பாடி பழனிசாமி தொடர்ந்து முன்னிலை வகித்து வருகிறார். திமுகவைச் சேர்ந்த 34 அமைச்சர்களில் 31 பேர் பின்னடைவில் உள்ளதாக தகவல்கள் தெரிவிக்கின்றன.
திமுக தலைமை அலுவலகமான அண்ணா அறிவாலயத்தில் கொண்டாட்ட ஏற்பாடுகள் அகற்றப்பட்டு வேனில் ஏற்றப்படும் வீடியோ வைரலாகி வருகிறது. இருப்பினும், அங்கிருந்த தொண்டர் ஒருவர், “அது நேற்று இரவு நடந்த நிகழ்வொன்றுக்காக அமைக்கப்பட்டவை; தேர்தல் முடிவுகளுக்கும் இதற்கும் சம்பந்தமில்லை” என தெரிவித்தார். திருவண்ணாமலையில் அனைத்து தொகுதிகளிலும் திமுக 3வது இடத்திற்கு தள்ளப்பட்டுள்ளது.
தற்போதைய நிலவரப்படி, த.வெ.க. 106 இடங்களிலும், அதிமுக 75 இடங்களிலும் முன்னிலையில் உள்ள நிலையில், எந்த கூட்டணிக்கும் மெஜாரிட்டி இல்லை. த.வெ.க. ஆட்சியை அமைக்க வேண்டுமானால் சிறிய கட்சிகளின் ஆதரவு தேவைப்படும். விஜய் விரைவில் கூட்டணி பேச்சுவார்த்தையில் ஈடுபட வாய்ப்புள்ளது.