அமெரிக்கா, மெக்சிகோ மற்றும் கனடா ஆகிய மூன்று நாடுகளில் இணைந்து நடைபெறவுள்ள 23-வது உலகக் கோப்பை கால்பந்து போட்டிக்கான ஆவலோடு உலகெங்கும் உள்ள கால்பந்து ரசிகர்கள் காத்திருக்கின்றனர். 48 அணிகள் பங்கேற்கும் இந்த பிரம்மாண்ட தொடர் அடுத்த மாதம் 11-ஆம் தேதி தொடங்கி, ஜூலை 19-ஆம் தேதி வரை நடைபெற உள்ளது.
ஸ்பெயின் அணிப்பணி அறிவிப்பு
இந்த உலகக் கோப்பை தொடரில் வலுவான போட்டியாளராகக் கருதப்படும் ஸ்பெயின் அணியின் வீரர்களை அதன் தலைமை பயிற்சியாளர் லூயிஸ் டி லா புனெட் அதிகாரப்பூர்வமாக அறிவித்தார். பொதுவாக ஸ்பெயின் தேசிய அணியில் அந்நாட்டின் முன்னணி கிளப் அணிகளான ரியல் மாட்ரிட் மற்றும் பார்சிலோனா வீரர்களுக்கே முன்னுரிமை அளிக்கப்படும் வழக்கம் உள்ளது.
ரியல் மாட்ரிட் வீரர்களுக்கு வாய்ப்பில்லை
பயிற்சியாளர் அறிவித்த தற்போதைய அணியில், ரியல் மாட்ரிட் கிளப் அணியைச் சேர்ந்த ஒரு வீரர் கூட இடம்பெறவில்லை என்பது குறிப்பிடத்தக்கது. குறிப்பாக டீன் ஹஜ்சென், அல்வரோ கேரிராஸ் மற்றும் பிரான் கார்சியா ஆகிய மூவரும் அணியில் உறுதியாக இடம் பெறுவார்கள் என்று எதிர்பார்க்கப்பட்டது. இருப்பினும், பயிற்சியாளர் தனது திட்டமிடலில் இவர்களை சேர்க்கவில்லை.
ஸ்பெயினின் தேசிய அணி தேர்வில் ரியல் மாட்ரிட் வீரர்கள் யாரும் இடம் பெறாதது இதுவே முதல்முறையாகும். இந்த முடிவு கால்பந்து வட்டாரங்களில் பெரும் விவாதத்தை ஏற்படுத்தியுள்ளது. பார்சிலோனா அணியின் வீரர்கள் தொடர்ந்து இடம்பெற்றுள்ள நிலையில், ரியல் மாட்ரிட் வீரர்களுக்கு வாய்ப்பு மறுக்கப்பட்டது ரசிகர்களிடையே பல்வேறு கருத்துகளுக்கு வழிவகுத்துள்ளது.