MeiTamil

Tag: Artificial Intelligence

  • மவுண்ட் ரஷ்மோர் நினைவுச் சிலையில் தனது உருவம்: அதிபர் டிரம்ப் பகிர்ந்த செயற்கை நுண்ணறிவுப் புகைப்படம்

    மவுண்ட் ரஷ்மோர் நினைவுச் சிலையில் தனது உருவம்: அதிபர் டிரம்ப் பகிர்ந்த செயற்கை நுண்ணறிவுப் புகைப்படம்

    அமெரிக்காவின் வரலாற்றுச் சிறப்புமிக்க மவுண்ட் ரஷ்மோர் தேசிய நினைவுச் சின்னத்தில், நாட்டின் முன்னாள் அதிபர்களுடன் தனது உருவமும் செதுக்கப்பட்டிருப்பதை சித்தரிக்கும் செயற்கை நுண்ணறிவு (AI) புகைப்படத்தை அதிபர் டிரம்ப் தனது சமூக வலைதளப் பக்கங்களில் பகிர்ந்துள்ளார்.

    மவுண்ட் ரஷ்மோர் நினைவுச் சின்னத்தின் பின்னணி

    தெற்கு டகோட்டா மாகாணத்தின் கீஸ்டோன் பகுதியில் அமைந்துள்ள மவுண்ட் ரஷ்மோர் நினைவுச் சின்னம், அமெரிக்காவின் வளர்ச்சி மற்றும் நிலைத்தன்மையின் அடையாளமாக கருதப்படுகிறது. இங்கு அமெரிக்காவின் மிக முக்கியமான முன்னாள் அதிபர்களின் முகங்கள் 60 அடி உயரத்திற்கு மலைப் பாறையில் கலைநயத்துடன் வடிக்கப்பட்டுள்ளன.

    இந்த வரலாற்றுச் சிறப்புமிக்க இடத்தில் தனது முகமும் செதுக்கப்பட வேண்டும் என்பது தனது நீண்டகால விருப்பம் என்று அதிபர் டிரம்ப் ஏற்கனவே தெரிவித்துள்ளார். குறிப்பாக, 2018-ஆம் ஆண்டு தெற்கு டகோட்டா கவர்னர் கிறிஸ்டி நோய்க்கு இது குறித்து அவர் தனது விருப்பத்தை வெளிப்படுத்தியிருந்தார்.

    ஆதரவாளர்களின் முன்மொழிவு

    இந்த முயற்சிக்கு ஆதரவாக புளோரிடா பிரதிநிதி அன்னா பாலினா லூனா உள்ளிட்ட காங்கிரஸின் முக்கிய உறுப்பினர்கள் சட்டப்பூர்வ முன்மொழிவுகளை முன்வைத்துள்ளனர். மேலும், உள்துறைச் செயலாளர் டக் பர்கம் உள்ளிட்ட உயர் அதிகாரிகள், அந்த மலைப் பகுதியில் மற்றொரு முகத்தைச் செதுக்குவதற்குப் போதுமான இடவசதி இருப்பதாகவும், இது சாத்தியமான திட்டம் என்றும் குறிப்பிட்டுள்ளனர்.

    சமூக வலைதள விவாதங்கள்

    தற்போது அதிபர் டிரம்ப் பகிர்ந்துள்ள இந்த செயற்கை நுண்ணறிவுப் புகைப்படம் இணையத்தில் பெரும் விவாதத்தை ஏற்படுத்தியுள்ளது. நாட்டின் வரலாற்றுச் சின்னங்களை மாற்றியமைப்பது குறித்துப் பல்வேறு கருத்துக்கள் முன்வைக்கப்பட்டு வருகின்றன. ஒருபுறம் அவரது ஆதரவாளர்கள் இதை வரவேற்கின்றனர், மறுபுறம் வரலாற்று ஆய்வாளர்கள் மற்றும் விமர்சகர்கள் இதைத் தவறான முயற்சியாகக் கருதி எதிர்மறையான கருத்துக்களைத் தெரிவித்து வருகின்றனர்.

    அதே நேரத்தில், அமெரிக்காவின் கரன்சி நோட்டுகளில் அதிபர் டிரம்பின் முகத்தை அச்சிடுவதற்கான பணிகள் தீவிரமாக நடைபெற்று வருவது குறிப்பிடத்தக்கது.

    தொடர்புடைய செய்திகள்

    #donaldTrump #mountRushmore #usa #artificialIntelligence #அமெரிக்காவின் தலைசிறந்த அதிபராக தன்னை சித்தரித்துக் கொண்ட டிரம்ப் #வைரலாகும் ஏஐ புகைப்படம்…! #us #trump #usPresident #அமெரிக்கா

  • மெட்டா நிறுவன ஊழியர்களைப் பணிநீக்கம்: சக ஊழியரின் உருக்கமான வெளிப்படுத்தல்

    மெட்டா நிறுவன ஊழியர்களைப் பணிநீக்கம்: சக ஊழியரின் உருக்கமான வெளிப்படுத்தல்

    உலகளாவிய பணிநீக்க நடவடிக்கை

    பேஸ்புக், இன்ஸ்டாகிராம் மற்றும் வாட்ஸ்அப் போன்ற முன்னணி சமூக ஊடகத் தளங்களின் தாய் நிறுவனமான மெட்டா, தனது உலகளாவிய பணியாளர்களில் சுமார் 8,000 பேரை பணியிலிருந்து நீக்கியுள்ளது. செயற்கை நுண்ணறிவு தொழில்நுட்பத்தின் மூலம் குறைந்த செலவில் பணிகளை மேற்கொள்ள முடியும் என்ற நோக்கத்தில் இந்த முடிவு எடுக்கப்பட்டதாகத் தெரிகிறது.

    இந்த அறிவிப்பு ஊழியர்களிடையே நேரடி பதற்றத்தை ஏற்படுத்தக்கூடும் என்பதால், மெட்டா நிறுவனம் குறிப்பிட்ட நாளில் அனைவரையும் வீட்டிலிருந்தே வேலை செய்யுமாறு உத்தரவிட்டது. அதனைத் தொடர்ந்து, அதிகாலை 4 மணி அளவில் பணிநீக்கம் குறித்த மின்னஞ்சல் ஊழியர்களுக்கு அனுப்பி வைக்கப்பட்டது.

    பணிநீக்கப்பட்டவர்களுக்கான இழப்பீடு

    பணிநீக்கம் செய்யப்பட்ட ஊழியர்களுக்கான சலுகைகள் குறித்து நிறுவனம் வெளியிட்டுள்ள அறிவிப்பில், 16 வாரங்களுக்கான அடிப்படை சம்பளமும், பணியாற்றிய ஒவ்வொரு ஆண்டிற்கும் கூடுதலாக 2 வாரச் சம்பளமும் வழங்கப்படும் என்று தெரிவிக்கப்பட்டுள்ளது. மேலும், 18 மாதங்களுக்கான குடும்ப மருத்துவக் காப்பீட்டு வசதியும் அவர்களுக்கு வழங்கப்படும் என நிறுவனம் குறிப்பிட்டுள்ளது.

    சக ஊழியரின் மனவேதனை

    இந்த சூழலில், மெட்டாவில் பணியில் இருக்கும் ஒரு ஊழியர், பணிநீக்கம் செய்யப்பட்ட தனது சக ஊழியரைப் பற்றி சமூக வலைத்தளத்தில் உருக்கமான பதி ஒன்றை வெளியிட்டுள்ளார். அதில், “மெட்டாவில் பணியிலிருந்து நீக்கப்பட்டவர்கள் திறமையற்றவர்கள் என்று கருத வேண்டாம். நான் ஒரு சராசரி ஊழியர், ஆனால் மிகுந்த திறமை கொண்ட என் சக ஊழியர் நீக்கப்பட்ட நிலையில் நான் மட்டும் பணியில் தொடர்வதை எண்ணி வருந்துகிறேன்” என்று குறிப்பிட்டுள்ளார்.

    தொடர்ந்து அவர் எழுதியுள்ள பதிவில், “பணியிலிருந்து நீக்கப்பட்ட எனது சக ஊழியர் மிகவும் பண்பானவர் மற்றும் நம்பகமானவர். மிகக் குறுகிய காலக்கெடு கொண்ட ஒரு முக்கியமான திட்டத்தில் அவர் பணியாற்றி வந்தார். அதற்காக கடந்த பல மாதங்களாகத் தனது முழு முயற்சியைச் செலுத்தி, ஒரு நாளைக்கு நான்கு மணி நேரத்திற்கும் குறைவாகவே தூங்கியுள்ளார். அதிகப்படியான வேலைப்பளு காரணமாக அவர் பலமுறை உடல்நலக்குறைவால் பாதிக்கப்பட்டார்” என்று விவரித்துள்ளார்.

    குறிப்பாக, கடந்த சில மாதங்களாக அவர் அதிகாலை 3 மணி வரை பணியாற்றிவிட்டு, மீண்டும் காலை 6 மணிக்கே தனது பணியைத் தொடங்குவாரும், அதே தீவிரத்துடன் பணியாற்றியபோது திடீரெனப் பணிநீக்கம் செய்யப்பட்டதும் சக ஊழியரை மிகுந்த அதிர்ச்சியில் ஆழ்த்தியுள்ளது.

    செயற்கை நுண்ணறிவு மீதான குற்றச்சாட்டு

    இதற்கிடையில், மெட்டா நிறுவனம் ஊழியர்களின் கணினிச் செயல்பாடுகள் மற்றும் மவுஸ் நகர்வுகளைக் கண்காணித்து, அதன் மூலம் புதிய செயற்கை நுண்ணறிவு மாதிரிகளுக்குப் பயிற்சி அளித்து வந்ததாக ஊழியர்கள் குற்றம் சாட்டியுள்ளனர். “எங்களது உழைப்பைக் கொண்டே எங்களை வேலைநீக்கம் செய்யும் செயற்கை நுண்ணறிவை உருவாக்கியுள்ளனர்” என்று மனவருத்தத்துடன் ஊழியர்கள் தெரிவித்துள்ளனர்.

    #மெட்டா #பணிநீக்கம் #செயற்கை நுண்ணறிவு #வேலைவாய்ப்பு #ஏஐ தொழில்நுட்பம் #layoffs #meta #workers #artificialIntelligence #aiTechnology

  • தமிழக அமைச்சரவை விரிவாக்கம்: செயற்கை நுண்ணறிவுத் துறைக்குத் தனி அமைச்சர் நியமனம்

    தமிழக அமைச்சரவை விரிவாக்கம்: செயற்கை நுண்ணறிவுத் துறைக்குத் தனி அமைச்சர் நியமனம்

    தமிழகத்தின் 12-வது முதல்வரான ஜோசப் விஜய் அவர்கள் கடந்த 10-ம் தேதி பொறுப்பேற்ற நிலையில், இன்று அமைச்சரவை விரிவாக்கம் செய்யப்பட்டது. இந்த விரிவாக்கத்தின் மூலம் காங்கிரஸ் கட்சியின் இரண்டு சட்டமன்ற உறுப்பினர்கள் உட்பட மொத்தம் 23 பேர் அமைச்சர்களாக நியமிக்கப்பட்டு பொறுப்பேற்றுக்கொண்டனர்.

    தொழில்நுட்ப வளர்ச்சிக்கு முக்கியத்துவம்

    புதிய அமைச்சரவையில் உலகளாவிய தொழில்நுட்ப மாற்றங்களைக் கருத்தில் கொண்டு, செயற்கை நுண்ணறிவு (AI) துறைக்குத் தனி அமைச்சர் நியமிக்கப்பட்டுள்ளார். சென்னை வேளச்சேரி தொகுதியில் வெற்றி பெற்ற ஆர்.குமார் அவர்கள் இந்த முக்கியப் பொறுப்பிற்கு நியமிக்கப்பட்டுள்ளார். இனி அவர் செயற்கை நுண்ணறிவு, தகவல் தொழில்நுட்பம் மற்றும் டிஜிட்டல் சேவைகள் துறை அமைச்சராகப் பணியாற்றுவார்.

    தேசிய அளவில் தமிழகத்தின் முன்னெடுப்பு

    இந்திய அளவில் கேரள மாநிலம் மட்டுமே செயற்கை நுண்ணறிவுத் துறைக்குத் தனி அமைச்சரை நியமித்து முன்னுதாரணமாக இருந்தது. தற்போது தமிழ்நாடும் அதே நடைமுறையைப் பின்பற்றியுள்ளதால், நாட்டில் இந்தத் துறைக்குத் தனி அமைச்சர்களைக் கொண்ட இரண்டு மாநிலங்களாக கேரளா மற்றும் தமிழ்நாடு உருவெடுத்துள்ளன.

    டிஜிட்டல் நிர்வாகம் மற்றும் நவீன தொழில்நுட்பச் செயல்பாடுகளை மாநில அளவில் மேம்படுத்துவதே இந்தத் தனி அமைச்சகத்தின் முதன்மை நோக்கமாகக் கருதப்படுகிறது. இதன் மூலம் அரசு சேவைகள் எளிமையாக்கப்படுவதோடு, இளைஞர்களுக்கான தொழில்நுட்ப வேலைவாய்ப்புகளும் அதிகரிக்கும் என எதிர்பார்க்கப்படுகிறது.

    தொடர்புடைய செய்திகள்

    #tamilNaduGovernment #artificialIntelligence #cabinetExpansion #technology #செயற்கை நுண்ணறிவு துறை #அமைச்சர் #தமிழ்நாடு #tamilnadu #minister

  • மெட்டா நிறுவனம் 8 ஆயிரம் ஊழியர்களை பணிநீக்கம்: செயற்கை நுண்ணறிவு முதலீடுகளுக்காக ஆட்குறைப்பு

    மெட்டா நிறுவனம் 8 ஆயிரம் ஊழியர்களை பணிநீக்கம்: செயற்கை நுண்ணறிவு முதலீடுகளுக்காக ஆட்குறைப்பு

    சமூக வலைதள நிறுவனங்களான பேஸ்புக், இன்ஸ்டாகிராம் மற்றும் வாட்ஸ்அப் ஆகியவற்றின் தாய் நிறுவனமான மெட்டா, தனது பணியாளர்களில் சுமார் 8 ஆயிரம் பேரை பணிநீக்கம் செய்துள்ளது. மின்னஞ்சல் வாயிலாக இந்த அதிரடி முடிவு ஊழியர்களுக்குத் தெரிவிக்கப்பட்டுள்ளது.

    செயற்கை நுண்ணறிவுத் துறையில் அதிக முதலீடு

    தற்போது உலகளவில் தொழில்நுட்ப நிறுவனங்கள் செயற்கை நுண்ணறிவு (AI) எனப்படும் மேம்பட்ட தொழில்நுட்பத்தில் அதிக கவனம் செலுத்தி வருகின்றன. மெட்டா நிறுவனமும் இத்துறையில் தனது ஆதிக்கத்தை நிலைநாட்ட பெரும் தொகையை முதலீடு செய்ய திட்டமிட்டுள்ளது. இந்த ஆண்டு மட்டும் 125 முதல் 145 பில்லியன் அமெரிக்க டாலர்களை செயற்கை நுண்ணறிவு மேம்பாட்டிற்காக ஒதுக்க நிறுவனம் முடிவு செய்துள்ளது.

    இந்த பெரும் முதலீட்டிற்கான நிதி ஆதாரத்தைத் திரட்டவும், நிறுவனத்தின் செயல்பாட்டுச் செலவுகளைக் குறைக்கவும் ஆட்குறைப்பு நடவடிக்கைகளை மெட்டா நிறுவனம் முன்னெடுத்துள்ளது.

    பணிநீக்க நடைமுறையும் ஊழியர்களின் நிலையும்

    பணிநீக்க நடவடிக்கைகள் திட்டமிடப்பட்ட முறையில் செயல்படுத்தப்பட்டுள்ளன. முதலில் அமெரிக்கா மற்றும் பிரிட்டன் ஆகிய நாடுகளில் பணியாற்றும் ஊழியர்களை வீட்டிலிருந்தே பணிபுரியுமாறு நிறுவனம் உத்தரவிட்டது. இதனைத் தொடர்ந்து, பணியிடங்கள் நீக்கப்பட்ட செய்தி மின்னஞ்சல் மூலம் அறிவிக்கப்பட்டது.

    குறிப்பாக, சிங்கப்பூர் அலுவலகத்தில் பணியாற்றிய ஊழியர்களுக்கு அதிகாலை 4 மணிக்கே பணிநீக்க அறிவிப்பு மின்னஞ்சல் அனுப்பப்பட்டிருந்தது. மேலும், சுமார் 7 ஆயிரம் ஊழியர்கள் செயற்கை நுண்ணறிவு சார்ந்த பிரிவுகளுக்கு மாற்றப்பட்டுள்ளனர். அதேபோல், 6 ஆயிரம் காலிப்பணியிடங்கள் நிரந்தரமாக நீக்கப்பட்டுள்ளன.

    பாதிக்கப்பட்ட பிரிவுகள்

    இந்த ஆட்குறைப்பு நடவடிக்கையால் மெட்டா நிறுவனத்தின் பொறியியல் மற்றும் விற்பனைப் பிரிவைச் சேர்ந்த ஊழியர்களே பெருமளவில் பாதிக்கப்பட்டுள்ளனர். கடந்த சில நாட்களாகவே நிறுவனத்திற்குள் நிலவிய பதற்றமான சூழலால், ஊழியர்கள் அலுவலகத்தில் வழங்கப்பட்ட சிற்றுண்டிகள் மற்றும் கணினி உபகரணங்களை எடுத்துச் சென்ற சம்பவங்களும் பதிவாகியுள்ளன.

    கண்காணிப்பு மென்பொருள் controversy

    பணிநீக்க நடவடிக்கைகளுக்கு மத்தியில், ஊழியர்களின் கணினிகளில் ஒரு புதிய கண்காணிப்பு மென்பொருளை மெட்டா நிறுவனம் நிறுவியிருப்பது பெரும் சர்ச்சையை ஏற்படுத்தியுள்ளது. ஊழியர்கள் விசைப்பலகையைப் பயன்படுத்தும் விதம் மற்றும் மவுஸ் நகர்த்தல்களைக் கண்காணிப்பதன் மூலம், அந்தப் பணிகளை எதிர்காலத்தில் செயற்கை நுண்ணறிவு மூலம் எப்படிச் செய்ய முடியும் என்று நிறுவனம் திட்டமிட்டுள்ளதாகக் கூறப்படுகிறது. இந்த நடவடிக்கைக்கு எதிராகப் பணியாளர்கள் கடும் எதிர்ப்புத் தெரிவித்து வருகின்றனர்.

    தொடர்புடைய செய்திகள்

    #meta #layoffs #artificialIntelligence #techNewsTamil #8 ஆயிரம் ஊழியர்களை பணி நீக்கம் செய்தது மெட்டா நிறுவனம் #meta #facebook #instagram #layoff #மெட்டா

  • இணையத்தில் 50% உள்ளடக்கம் AI உருவாக்கியது – அதிர்ச்சி தகவல்

    இணையத்தில் 50% உள்ளடக்கம் AI உருவாக்கியது – அதிர்ச்சி தகவல்

    இணையத்தில் நாம் பார்க்கும், படிக்கும் உள்ளடங்களில் (Content) 50% க்கும் மேல் செயற்கை நுண்ணறிவு (ஏஐ) மூலம் உருவாக்கப்பட்டது என கண்டறியப்பட்டுள்ளது.

    பின்னணி

    2022 – 2026 க்கு இடைப்பட்ட வெறும் நான்கே ஆண்டுகளில், பூஜ்ஜியத்திலிருந்து தொடங்கி இன்று இணையத்தின் 50% க்கும் மேல் செயற்கை நுண்ணறிவு ஆக்கிரமித்துள்ளது என அமெரிக்காவின் கலிபோர்னியாவில் உள்ள டான்போர்ட் பல்கலைக்கழகம் வெளியிட்ட ‘AI Index Report 2026’ அறிக்கையில் தெரிவிக்கப்பட்டுள்ளது.

    முக்கிய கண்டுபிடிப்புகள்

    அறிக்கையின்படி, இணையத்தில் புதிதாக உருவாக்கப்படும் உள்ளடக்கங்களில் 51.72% செயற்கை நுண்ணறிவால் உருவாக்கப்படுபவை. மனிதர்களின் பங்களிப்பு 48.28% ஆகக் குறைந்துள்ளது.

    சமூக ஊடகப் பதிவுகள், மின்னஞ்சல்கள், வாடிக்கையாளர் சேவை, பக்கங்களில் டிராபிக்-ஐ அதிகரிக்கும் SEO சார்ந்த கட்டுரைகள் போன்றவை இந்த உள்ளடக்கங்களில் அடங்கும்.

    AI பயன்பாட்டின் நன்மைகள்

    ஒரு மனிதன் பல மணிநேரம் எடுத்துக்கொள்ளும் வேலையை ஏஐ சில நொடிகளில் முடித்துவிடுகிறது. ஒரே நேரத்தில் நூற்றுக்கணக்கான வலைப்பதிவுகளை உருவாக்க முடிகிறது.

    மேலும் ஏஐ கருவிகளைப் பயன்படுத்துவது நிறுவனங்களுக்குப் பொருளாதார ரீதியாக லாபகரமாக உள்ளது. எனவே ஏஐ பயன்பாடு இணையத்தில் அதிகரித்து வருகிறது.

    எதிர்கால கவலைகள்

    வரும் காலங்களில் இணையத்தில் நாம் பார்க்கும், படிக்கும் உள்ளடக்கங்கள் முழுக்க முழுக்க ஏஐ எழுதிய மற்றும் உருவாக்கியவையாக மட்டுமே இருக்கும் என்ற கவலையும் பலரிடையே நிலவுகிறது.

    #செயற்கை நுண்ணறிவு #ai #இணையம் #டான்போர்ட் பல்கலைக்கழகம் #AI இண்டெக்ஸ் ரிப்போர்ட் #தொழில்நுட்பம் #ஏஐ தொழில்நுட்பம் #aiTechnology #artificialIntelligence

  • ஏஐ மருத்துவ ஆலோசனைகளில் 50% தவறு: உயிருக்கு ஆபத்து என எச்சரிக்கை

    ஏஐ மருத்துவ ஆலோசனைகளில் 50% தவறு: உயிருக்கு ஆபத்து என எச்சரிக்கை

    தொட்டதுக்கெல்லாம் ஏஐ இடம் அபிப்பிராயம் கேட்கும் பழக்கம் இன்று பலரிடையே ஏற்பட்டுள்ளது. அது சில நேரங்களில் உதவினாலும் பல நேரங்களில் பயனில்லாத தகவலாகவே இருந்து விடுகிறது.

    அதை விட ஆபத்து ஏஐ தரும் பதிலை முழுமையாக நம்பி காரியத்தில் இறங்குவது. குறிப்பாக சின்ன சின்ன உடல் நல பிரச்சனை தொடங்கி மருத்துவ நுணுக்கங்கள் வரை ஏஐ இடம் கேட்டுத் தெரிந்து தமக்குத் தாமே சிகிச்சை எடுத்துக் கொள்ளும் அதிமேதாவிகள் அதிகம்.

    ஆய்வு முடிவுகள்

    ஆனால் ஏஐ சாட்பாட்கள் அவ்வாறு அளிக்கும் மருத்துவ மற்றும் உடல்நல ஆலோசனைகளில் 50% தவறான தகவல்கள் என புது ஆய்வு ஒன்றில் தெரியவந்துள்ளது.

    இந்த ஆய்விற்காக, விஞ்ஞானிகள் குழு ஜெமினி, டீப்ஸீக், மெட்டா ஏஐ, சாட்ஜிபிடி மற்றும் க்ரோக் போன்ற ஏஐ சாட்பாட்களை ஆய்வு செய்தது. அவர்கள் இந்த பாட்களிடம் உடல்நலம் தொடர்பான 10 கேள்விகளைக் கேட்டனர்.

    புற்றுநோய் மற்றும் தடுப்பூசிகள் போன்ற தலைப்புகளில் இந்த சாட்பாட்கள் ஓரளவு சரியான பதில்களை வழங்கின. ஆனால் ஸ்டெம் செல்கள் மற்றும் ஊட்டச்சத்து போன்ற தலைப்புகளில் குறிப்பிடத்தக்க அளவில் தவறான பதில்களை வழங்கின. குறிப்பாக எக்ஸ் ஏஐ உடைய க்ரோக் சாட்பாட் எதிர்பார்த்ததை விட அதிகமான தவறான பதில்களை அளித்தது.

    பதில்களின் வகைகள்

    விஞ்ஞானிகள் நடத்திய இந்த உரையாடல்கள், சாட்பாட்களின் பதில்கள் சரியானவை, சற்றே தவறானவை மற்றும் மிகவும் தவறானவை என மூன்று வகைகளாகப் பிரிக்கப்பட்டன. 49.6% பதில்கள் சரியானவை, ஆனால் சிக்கலானவை எனக் கண்டறியப்பட்டது. 30% ஓரளவு தவறானவையாகவும், 19.6% மிகவும் தவறானவையாகவும் இருந்தன.

    மருத்துவர்கள் எச்சரிக்கை

    மற்றொரு முக்கியப் பிரச்சனை என்னவென்றால், இந்த செயற்கை நுண்ணறிவு உரையாடல் செயலிகள் ஒவ்வொரு பதிலையும் எல்லாம் தெரிந்தது போல மிகவும் நம்பிக்கையுடன் வழங்குகின்றன. மேலும் உண்மை அல்லாத ஆதாரங்களை அவை மேற்கோள் காட்டுகின்றன.

    இதனால் பயனர்கள் பெரும்பாலும் தவறான பதில்களையே சரியானவையாக ஏற்றுக்கொள்கிறார்கள். எனவே சொந்தமாக அவர்கள் மருந்து எடுத்துக்கொள்ளும்போது அது தீவிரமான உடல்நலப் பிரச்சனைகளுக்கு வழிவகுக்கக்கூடும். உடல்நலப் பிரச்சனைகளுக்கு இவ்வாறு தன்னிச்சையாக செயற்கை நுண்ணறிவு பதில்களை நம்பி செயல்படுவது உயிருக்கே ஆபத்தை ஏற்படுத்தக் கூடும் என்பதே மருத்துவர்களின் எச்சரிக்கையாக உள்ளது.

    #ஏஐ #மருத்துவம் #சாட்பாட் #ஆய்வு #உடல்நலம் #சாட்ஜிபிடி #செயற்கை நுண்ணறிவு #ஏஐ தொழில்நுட்பம் #artificialIntelligence #aiTechnology