சிறகடிக்க ஆசை சீரியலில் இன்றைய அத்தியாயத்தில், விஜயாவின் வீடு கைவிட்டுப் போகும் அபாயம் ஏற்பட்டுள்ளது. கோர்ட் உத்தரவுப்படி, 24 மணி நேரத்தில் பணத்தை கட்டாவிட்டால் வீட்டை ஜப்தி செய்வதாக எச்சரிக்கை விடுக்கப்பட்டுள்ளது.
மனோஜின் முடிவு
இந்த நெருக்கடியான சூழ்நிலையில், மனோஜ் வீட்டை விற்றுவிடலாம் என்று முன்மொழிகிறார். ஆனால் அண்ணாமலை கடும் எதிர்ப்பு தெரிவிக்கிறார். “என் இறப்புக்கு பின்னாடி இந்த வீட்டை என்ன வேண்டுமானாலும் பண்ணிக்கோங்க” என்று கூறி விஷயத்தில் இருந்து விலகுகிறார்.
முத்துவும் மீனாவும் அண்ணாமலையை சமாதானப்படுத்தி, விஷயத்தை தாங்கள் பார்த்துக்கொள்வதாக உறுதியளிக்கின்றனர். ஆனால் விஜயா மனமுடைந்து கதறி அழுகிறார். வீடு பறிபோய்விடுமோ என்ற அச்சத்தில் உறைந்து போகிறார். மறுபுறம் மனோஜ் எதைப் பற்றியும் கவலைப்படாமல் வீட்டை விற்கும் முயற்சியில் ஈடுபடுகிறார்.
சிந்தாமணியின் சூழ்ச்சி
முத்துவும் மீனாவும் பைனான்சியரை நேரில் சந்திக்க செல்கின்றனர். ஆனால் அவர் அவர்களை திசைதிருப்பி அலைக்கழிக்கிறார். 24 மணி நேரத்தில் பாதி நேரத்தை வீணடிக்க பல்வேறு வேலைகளை போட்டுக் கொடுக்கிறார். வட்டிக்காரரின் சூழ்ச்சி புரியாமல், முத்துவும் மீனாவும் அவர் சொல்லும் இடங்களுக்கு அலைந்து திரிகின்றனர்.
இதற்கிடையில், வட்டிக்காரர் சிந்தாமணியிடம் தொலைபேசியில் பேசுகிறார். “அவர்களை அலைந்து திரிய விட்டேன்; நேரில் சந்தித்தால் முத்து உங்கள் மனதை மாற்றிவிடுவான். அதனால் இப்படியே செய்யுங்கள்; பணமும் கட்ட முடியாது, நாளை ஈசியாக வீட்டை பூட்டி சீல் வைத்துவிடலாம்” என்று சிந்தாமணி திட்டமிடுகிறார்.
சட்ட உதவி மறுப்பு
கடைசி முயற்சியாக முத்து, மீனா, ஸ்வேதா ஆகியோர் வழக்கறிஞரை சந்திக்க செல்கின்றனர். ஆனால் வழக்கறிஞர் கோர்ட் 10 நாட்கள் விடுமுறையில் இருப்பதாகவும், எனவே எதுவும் செய்ய முடியாது என்றும் கூறி கைவிரித்துவிடுகிறார். மேலும், “ஜப்தி செய்துவிட்டால் அடுத்து என்ன செய்யலாம் என்று யோசியுங்கள்” என்று அறிவுரை வழங்குகிறார்.
முடிவு
இதனால் மனமுடைந்த முத்துவும் மீனாவும் வீட்டிற்கு திரும்பி நடந்ததை குடும்பத்தினரிடம் விளக்குகின்றனர். மொத்த குடும்பமும் இடிந்து உட்காருகிறது. அண்ணாமலை அதிர்ச்சியில் கண்கலங்குகிறார். விஜயாவின் வீடு கைவிட்டுப் போகுமா? சிந்தாமணியின் திட்டம் நிறைவேறுமா? அடுத்து என்ன நடக்கும் என்று பொறுத்திருந்து பார்க்கலாம்.