தமிழக சட்டசபைக்கு ஒரே கட்டமாக இன்று (வியாழக்கிழமை) தேர்தல் நடைபெறுகிறது. இந்த தேர்தலில் மொத்தம் 4,023 வேட்பாளர்கள் களத்தில் போட்டியிடுகின்றனர். தமிழகம் முழுவதும் 75 ஆயிரத்து 64 வாக்குச்சாவடிகள் அமைக்கப்பட்டுள்ளன. காலை 7 மணி முதல் வாக்குப்பதிவு தொடங்கி நடைபெற்று வருகிறது.
திரை பிரபலங்கள் வாக்களிப்பு
இன்று சட்டமன்ற தேர்தலை முன்னிட்டு சென்னையில் காலை முதலே திரை பிரபலங்கள் பலர் வாக்களித்தனர். ரஜினிகாந்த், கமல்ஹாசன், சிவகார்த்திகேயன், ஸ்ருதிஹாசன், விக்ரம், தனுஷ், ஜீவா, துருவ் விக்ரம், பார்த்திபன் உள்ளிட்ட பலர் தங்கள் வாக்குச்சாவடிகளில் வாக்குகளை பதிவு செய்தனர்.
சிம்ரன் பதிவு
இந்த நிலையில், நடிகை சிம்ரன் தனது வாக்குப்பதிவை செலுத்திய பின்னர் எக்ஸ் தளத்தில் பதிவு ஒன்றை வெளியிட்டார். அதில், “நாடகங்களைத் தவிர்த்து, யதார்த்தத்தில் கவனம் செலுத்துவோம். இது ஒரு வாக்குச்சாவடி, சினிமா படப்பிடிப்பு அல்ல. நாம் வாக்களிக்கும்போது அனைவரும் ஒன்றே. வாக்களிப்பது என் உரிமை மட்டுமல்ல, அது என் பொறுப்பும் கூட” என தெரிவித்துள்ளார். மேலும், “Let’s focus on the reality avoid the drama, it’s a voting booth not a cinema shoot. We all are one while we vote. Voting is not just my right it’s my responsibility” என்றும் ஆங்கிலத்தில் பதிவிட்டுள்ளார்.