கர்நாடக மாநிலத்தின் ஹூப்ளி நகரத்திலிருந்து ராமேஸ்வரத்திற்கு இயக்கப்பட்டு வரும் சிறப்பு ரயில் சேவைகளை நீட்டிப்பதாக தெற்கு ரயில்வே நிர்வாகம் அதிகாரப்பூர்வ அறிவிப்பை வெளியிட்டுள்ளது.
பயணிகளின் வசதிக்காகவும், கோடை கால பயண அழுத்தத்தை குறைப்பதற்காகவும் இந்த முடிவு எடுக்கப்பட்டுள்ளது. அதன்படி, ஹூப்ளியில் இருந்து ராமேஸ்வரத்திற்கு இயக்கப்படும் சிறப்பு ரயில் (வண்டி எண் 07355), வரும் ஜூன் மாதம் 7-ஆம் தேதி முதல் 28-ஆம் தேதி வரை (ஞாயிற்றுக்கிழமை) தொடர்ந்து இயக்கப்படும்.
அதேபோல், ராமேஸ்வரத்திலிருந்து ஹூப்ளிக்குத் திரும்பும் சிறப்பு ரயில் (வண்டி எண் 07356), ஜூன் மாதம் 8-ஆம் தேதி முதல் 29-ஆம் தேதி வரை (திங்கட்கிழமை) இயக்கப்படும் என்று தெற்கு ரயில்வே வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
இந்த ரயில் சேவை நீட்டிப்பால், கர்நாடக மற்றும் தமிழ்நாட்டை இணைக்கும் பயணிகளுக்கு பெரும் பயன் கிடைக்கும் என எதிர்பார்க்கப்படுகிறது. பயணச்சீட்டு முன்பதிவு குறித்த விவரங்களை ரயில்வே துறையின் அதிகாரப்பூர்வ இணையதளத்தில் பயணிகள் சரிபார்த்துக்கொள்ளலாம்.
Leave a Reply