பேச்சுவார்த்தை முடக்கம் மற்றும் பதற்றமான சூழல்
அமெரிக்காவிற்கும் ஈரானுக்கும் இடையே நிலவி வரும் போர் சூழல் தற்போது உச்சகட்டத்தை எட்டியுள்ளது. போர் நிறுத்தத்திற்கான பேச்சுவார்த்தைகள் பல்வேறு காரணங்களால் முடங்கியுள்ள நிலையில், ஈரான் அரசு காலம் தாழ்த்தினால் அந்நாட்டின் அடையாளமே இல்லாமல் செய்துவிடுவோம் என்று அமெரிக்க அதிபர் டிரம்ப் கடும் எச்சரிக்கை விடுத்துள்ளார்.
கடந்த பிப்ரவரி மாதம் தொடங்கிய இந்த மோதலில் இரு நாடுகளும் பரஸ்பரம் தாக்குதல்களை முன்னெடுத்துள்ளன. இதில் இரு தரப்பிலும் பெரும் உயிர்ச் சேதங்கள் ஏற்பட்டுள்ளனடன், ஈரானின் முக்கிய உள்கட்டமைப்புகள் பலத்த சேதமடைந்துள்ளன. இந்த போர் சூழலால் சர்வதேச சந்தையில் கச்சா எண்ணெய் விநியோகம் பாதிக்கப்பட்டுள்ளதால், உலக நாடுகள் போர் நிறுத்தத்திற்கு அழுத்தம் கொடுத்து வருகின்றன.
அமெரிக்காவின் கடுமையான நிபந்தனைகள்
போர் நிறுத்தத்திற்கான பேச்சுவார்த்தைகளில் அமெரிக்கா சில முக்கிய நிபந்தனைகளை முன்வைத்துள்ளது. குறிப்பாக, ஈரானின் கைவசம் உள்ள 400 கிலோ செறிவூட்டப்பட்ட யுரேனியத்தை உடனடியாக ஒப்படைக்க வேண்டும் என்றும், போர் இழப்பீடு கோரும் கோரிக்கையை ஈரான் திரும்பப் பெற வேண்டும் என்றும் வலியுறுத்தியுள்ளது. இந்த நிபந்தனைகளை ஈரான் ஏற்க மறுத்ததால் இரு நாடுகளுக்கும் இடையிலான பேச்சுவார்த்தைகள் தற்போது முட்டுப்பிடி நிலையை எட்டியுள்ளன.
சமூக வலைதளத்தில் பகிரப்பட்ட வரைபடம்
தொடர்ந்து தனது ‘ட்ரூத் சோஷியல்’ சமூக வலைதளப் பக்கத்தில் பதிவிட்டுள்ள டிரம்ப், “ஈரானைப் பொறுத்தவரை நேரம் மிக வேகமாக ஓடிக்கொண்டிருக்கிறது. அவர்கள் விரைந்து செயல்படுவது நல்லது, இல்லையெனில் அவர்களைப் பற்றிய அடையாளமே மிஞ்சாது” என்று குறிப்பிட்டுள்ளார்.
இந்த பதிவோடு ஈரான் நாட்டை இலக்கு வைத்திருப்பது போன்ற ஒரு வரைபடத்தையும் அவர் பகிர்ந்துள்ளார். அந்த வரைபடத்தில் பாகிஸ்தான், ஆப்கானிஸ்தான் மற்றும் அரபு நாடுகள் அமெரிக்காவிற்கு ஆதரவான நாடுகளாகக் காட்டப்பட்டுள்ளன. மேலும், அமெரிக்கக் கொடியின் வண்ணங்களில் அந்த வரைபடம் வடிவமைக்கப்பட்டு வெளியிடப்பட்டுள்ளது. இந்த நடவடிக்கை சர்வதேச அரசியலில் பெரும் விவாதங்களை ஏற்படுத்தியுள்ளது.
Leave a Reply