சென்னையில் இன்று தங்கம் விலை சரிவு: சவரனுக்கு 400 ரூபாய் குறைவு

சென்னையில் இன்று 22 காரட் ஆபரண தங்கத்தின் விலை சரிவு கண்டுள்ளது. உலக சந்தையில் ஏற்பட்டுள்ள விலை மாற்றங்களின் தாக்கத்தால், சென்னையில் இன்று சவரனுக்கு 400 ரூபாய் குறைந்து தங்கம் விற்பனை செய்யப்படுகிறது.

தங்க விலை நிலவரம்

இன்றைய நிலவரப்படி, 22 காரட் ஆபரண தங்கத்தின் விலை ஒரு சவரனுக்கு 1,17,840 ரூபாயாக உள்ளது. நேற்று விற்பனை விலையை விட இது 400 ரூபாய் குறைவாகும். அதேபோல், ஒரு கிராம் தங்கத்தின் விலை 50 ரூபாய் சரிந்து 14,730 ரூபாய்க்கு விற்பனை செய்யப்படுகிறது.

கடந்த சில நாட்களாக தமிழக சந்தையில் தங்கத்தின் விலையில் நிலையற்ற தன்மை காணப்படுகிறது. குறிப்பாக, நேற்று மே 25ஆம் தேதி தங்கத்தின் விலை சவரணுக்கு 400 ரூபாய் உயர்ந்து 1,18,240 ரூபாய்க்கு விற்பனை செய்யப்பட்டது. ஆனால், இன்று மீண்டும் பழைய விலையிலேயே தங்கம் விற்பனை செய்யப்படுவது குறிப்பிடத்தக்கது.

வெள்ளி விலை நிலவரம்

தங்க விலையில் சரிவு ஏற்பட்டுள்ள நிலையில், வெள்ளி விலையில் எந்தவித மாற்றமும் காணப்படவில்லை. இன்று ஒரு கிராம் வெள்ளியின் விலை 295 ரூபாயாகவும், ஒரு கிலோகிராம் வெள்ளியின் விலை 2,95,000 ரூபாயாகவும் விற்பனை செய்யப்படுகிறது.

திருமண சீசன் மற்றும் பண்டிகை காலங்களை முன்னிட்டு தங்க நகைகளுக்கான தேவை அதிகரித்துள்ள நிலையில், விலையில் ஏற்படும் இத்தகைய ஏற்ற இறக்கங்கள் நுகர்வோரின் முடிவுகளில் தாக்கத்தை ஏற்படுத்துகின்றன.

#goldPrice #chennai #finance #tamilNadu #தங்கம் விலை சவரனுக்கு 400 ரூபாய் சரிவு #இன்றைய நிலவரம்! #goldRate #rateGold #goldPrice #goldChennai