தனுஷ் நடிப்பில் விக்னேஷ் ராஜா இயக்கத்தில் கடந்த 30ம் தேதி வெளியான திரைப்படம் ‘கர’. இந்த படத்தில் மமிதா பைஜு கதாநாயகியாக நடித்துள்ளார். மேலும், கே.எஸ். ரவிகுமார், கருணாஸ், ஜெயராம், பிருத்வி பாண்டியராஜன், சுராஜ் வெஞ்சரமூடு, எம்.எஸ். பாஸ்கர் உள்ளிட்ட பலர் நடித்துள்ளனர். ஜி.வி. பிரகாஷ் இசையமைத்துள்ள இந்த படத்துக்கு தேனி ஈஸ்வர் ஒளிப்பதிவு செய்துள்ளார்.
படத்தின் பின்னணி
வேல்ஸ் இன்டர்நேஷனல் பிலிம்ஸ் தயாரிப்பில் உருவாகியுள்ள இந்தப் படம் 1990-களில் ராமநாதபுரத்தில் நடந்த வங்கிக் கொள்ளை சம்பவத்தை மையமாகக் கொண்டது. கிராமத்து பின்னணியில் ஆக்சன் பாணியில் எடுக்கப்பட்ட இப்படத்துக்கு ரசிகர்கள் மத்தியில் நல்ல வரவேற்பு கிடைத்துள்ளது. ‘போர் தொழில்’ படத்தின் மூலம் அறிமுகமான விக்னேஷ் ராஜா, இந்த படத்தின் மூலம் இயக்குநராக தனது இரண்டாவது படத்தை வெளியிட்டுள்ளார்.
வசூல் வசனம்
உலகம் முழுவதும் 2000க்கும் அதிகமான திரைகளில் வெளியான இந்த படம் விமர்சனம் மற்றும் வசூல் ரீதியாகவும் வெற்றி பெற்று வருகிறது. கடந்த 4 நாட்களில் உலக அளவில் ரூ.30 கோடிக்கும் அதிகமாக வசூல் செய்துள்ளதாக தகவல்கள் வெளியாகியுள்ளன. ரசிகர்களின் எதிர்பார்ப்பு நாளுக்கு நாள் அதிகரித்து வரும் நிலையில், படக்குழு ஸ்னீக் பீக் வீடியோவை வெளியிட்டுள்ளது. இதன் மூலம் படத்தின் கதைக்களம் மற்றும் நடிப்பு குறித்து ரசிகர்களிடம் மேலும் ஆர்வம் உருவாகியுள்ளது.
Leave a Reply