சிபிஎஸ்இ 12-ஆம் வகுப்பு முடிவுகள் எப்போது வெளியாகும்?

2026ம் ஆண்டிற்கான சிபிஎஸ்இ 12ஆம் வகுப்புப் பொதுத் தேர்வுகள், பிப்ரவரி 17ஆம் தேதி முதல் ஏப்ரல் 9ஆம் தேதி வரை நடைபெற்றன. இத்தேர்வை சுமார் 18.5 லட்சத்துக்கும் அதிகமான மாணாக்கர்கள் எழுதினர். இதில் மாணவர்கள் எண்ணிக்கை 10 லட்சமாகவும், மாணவிகள் எண்ணிக்கை 8 லட்சமாகவும் உள்ளது. சிபிஎஸ்இ 10-ஆம் வகுப்பு முடிவுகள் கடந்த ஏப்ரல் 15-ஆம் தேதி வெளியான நிலையில், 12-ஆம் வகுப்பு தேர்வு முடிவுகள் எப்போது வெளியாகும் என்ற எதிர்பார்ப்பு மாணவர்கள் மத்தியில் காணப்படுகிறது.

விடைத்தாள் மதிப்பீடு மற்றும் முடிவுகள் வெளியீடு

இந்த ஆண்டு விடைத்தாள்கள் ஆன்லைன் முறையில் (On-screen marking) திருத்தப்படுவதால், வழக்கத்தை விட முன்னதாகவே முடிவுகள் வெளியாகலாம் என்று எதிர்பார்க்கப்படுகிறது. விடைத்தாள்கள் அனைத்தும் திருத்தப்பட்டு, கணினியில் மதிப்பெண் பதிவேற்றும் பணிகள் தற்போது இறுதிக்கட்டத்தை எட்டியுள்ளன. எனவே, தேர்வு முடிவுகள் எப்போது வேண்டுமானாலும் வெளியாகலாம் என கல்வி வட்டாரங்கள் தெரிவிக்கின்றன.

சிபிஎஸ்இ 12ஆம் வகுப்பு முடிவுகள் குறித்து அதிகாரப்பூர்வ அறிவிப்பு இதுவரை வெளியிடப்படவில்லை. எனினும், இம்மாத இறுதிக்குள் முடிவுகள் வெளியாகும் என எதிர்பார்க்கப்படுகிறது. கடந்த ஆண்டுகளில், ஏப்ரல் மாத இறுதியில் அல்லது மே மாத தொடக்கத்தில் முடிவுகள் வெளியாகியுள்ளன.

முடிவுகளை எவ்வாறு பார்ப்பது

முடிவுகளை cbseresults.nic.in அல்லது cbse.gov.in ஆகிய இணையதளங்களில் தெரிந்து கொள்ளலாம். சிபிஎஸ்இ-ன் அதிகாரப்பூர்வ இணையதளத்திற்குச் சென்று ‘Class 12 Result’ லிங்கை கிளிக் செய்யவும். அதில், பதிவு எண் (Roll Number), பள்ளி எண் (School Code) மற்றும் பிறந்த தேதி ஆகியவற்றை சமர்ப்பித்து தேர்வு முடிவுகளை பார்க்கலாம். முடிவுகள் வெளியானதும், மாணவர்கள் தங்கள் மதிப்பெண் சான்றிதழைப் பதிவிறக்கம் செய்து கொள்ளலாம்.

டிஜிட்டல் மற்றும் மொபைல் வசதிகள்

இது தவிர, டிஜிலாக்கர், உமாங் செயலி போன்ற வசதிகள் மூலமும் மதிப்பெண் சான்றிதழ்களை டிஜிட்டல் முறையில் பெற்றுக்கொள்ளலாம். செல்போன் மூலமாக குறுஞ்செய்தி அனுப்பியோ அல்லது தொலைபேசி அழைப்பு வாயிலாகவோ முடிவுகளைத் தெரிந்து கொள்ளும் வசதி செய்யப்பட்டுள்ளது. மாணவர்கள் தங்கள் பதிவு எண்ணை 51111 என்ற எண்ணுக்கு எஸ்எம்எஸ் செய்தியாக அனுப்பி முடிவுகளைப் பெறலாம்.

முக்கிய அறிவிப்பு

12ஆம் வகுப்பு தேர்வு முடிவுகள் குறித்து இதுவரை சிபிஎஸ்இ வாரியம் அதிகாரப்பூர்வமாக எந்த அறிவிப்பையும் வெளியிடவில்லை. தற்போது விடைத்தாள் மதிப்பீட்டுப் பணிகள் நிறைவடைந்து, மதிப்பெண்களை இணையதளத்தில் பதிவேற்றும் பணிகள் இறுதிக்கட்டத்தை எட்டியுள்ளன. எனவே, இம்மாத இறுதிக்குள் முடிவுகள் வெளியாகும் என கல்வி வட்டாரங்கள் தெரிவிக்கின்றன.

மாணவர்கள் அதிகாரப்பூர்வ இணையதளங்களை மட்டுமே நம்ப வேண்டும். போலி இணையதளங்கள் மற்றும் மோசடிகளில் இருந்து விலகி இருக்குமாறு அறிவுறுத்தப்படுகிறார்கள்.

#சிபிஎஸ்இ #12-ஆம் வகுப்பு முடிவுகள் #தேர்வு முடிவுகள் #கல்வி #இந்திய கல்வி #cbse12thResults2026ReleaseDate #cbseExamResult #cbse12thExamResultDate #cbseresults.nic.in #cbse12thExamHowToCheckCheckScores